Coronavirus :
ক্ৰমান্বয়ে ক’ভিড মুক্তৰ পথত দেশ । বৰ্তমানেও দৈনিক কৰ’না আক্ৰান্তৰ সংখ্যা হেজাৰৰ অধিক হ’লেও হ্ৰাস পাইছে সক্ৰিয় কেছ ।
সক্ৰিয় ৰোগীৰ সংখ্যাও নিম্নমুখি হৈ ১৫ হেজাৰৰ তললৈ হ্ৰাস পাইছে। বৃদ্ধি পাইছে সুস্থতাৰ হাৰ। অৱশ্যে, মৃত্যুৰ সংখ্যাক লৈ এতিয়াও সামান্য চিন্তা আছে।
স্বাস্থ্য আৰু পৰিয়াল কল্যাণ মন্ত্ৰালয়ৰ মতে, যোৱা ২৪ ঘণ্টাত দেশত এক হেজাৰ ১৩২ জন লোক কৰ’নাত আক্ৰান্ত হৈছে। সেয়া শনিবাৰৰ তুলনাত সামান্য বেছি।
স্বাস্থ্য মন্ত্ৰালয়ৰ বুলেটিন অনুসৰি, ভাৰতত এদিনতে কৰ’নাত ন জন লোকে প্ৰাণ হেৰুৱাইছে। এতিয়ালৈকে দেশত ক’ভিড-১৯ ৰ ফলত হোৱা মুঠ মৃত্যুৰ সংখ্যা হৈছে পাঁচ লাখ ৩০ হেজাৰ ৫০০ ।
মাৰাত্মক ভাইৰাছৰ বিৰুদ্ধে যুঁজত সমগ্ৰ দেশতে সুস্থতাৰ হাৰ বৃদ্ধি পাইছে। বিগত ২৪ ঘণ্টাত, ২৩৬ জন লোক আৰোগ্য হৈছে। পৰিসংখ্যা অনুসৰি, এতিয়ালৈকে দেশত চাৰি কোটি ৪১ লাখ ১৫ হেজাৰ ২৪০ জন লোক কৰ’নাৰ পৰা সুস্থ হৈছে।
বৰ্তমান, সুস্থতাৰ হাৰ হৈছে ৯৮.৭৮ শতাংশ। অৰ্থাৎ সামগ্ৰিকভাৱে দেশৰ পৰিসংখ্যাত সকাহ পোৱা গৈছে। মহামাৰী নিৰ্মূল কৰিবলৈ টিকাকৰণ সম্পূৰ্ণ ৰূপত চলি আছে। ইয়াৰ মাজতে, দেশত ২১৯ কোটি ৭২ লাখতকৈও অধিক কৰ’না ভেকছিনৰ পালি প্ৰদান কৰা হৈছে।