Delhi Pollution :
তীব্ৰ প্ৰদূষণৰ ফলত, দিল্লী প্ৰায় ‘গেছ চেম্বাৰ’ লৈ পৰিণত হৈ পৰিছে। প্ৰদূষণৰ মাত্ৰা ইমান পৰ্যায়ত গৈ উপনীত হৈছে যে ৰাজধানীত এক শ্বাসৰুদ্ধ পৰিস্থিতিৰ সৃষ্টি হৈছে।
দিল্লী চৰকাৰে ইতিমধ্যে ৰাজধানীত প্ৰদূষণ হ্ৰাস কৰিবলৈ বিভিন্ন পদক্ষেপ গ্ৰহণ কৰিছে । একে সময়তে, চৰকাৰে নিৰ্দেশ দিছে যে ৰাস্তাত যিকোনো পুৰণি ডিজেল চালিত বাহন চলিলেই জৰিমনা বিহা হ’ব।
পৰিবহণ বিভাগে এনে নিৰ্দেশনা প্ৰেৰণ কৰাৰ পাছতো নিষিদ্ধ তালিকাত থকা ডিজেল চালিত বাহনসমূহ ৰাজধানীৰ ৰাস্তাত চলাচল কৰি আছে বুলিও অভিযোগ কৰা হৈছে।
তৃতীয় দিনৰ বাবে দিল্লীৰ আকাশ ডাঠ ধোঁৱাই আৱৰি আছে। বায়ু প্ৰদূষণৰ স্তৰ ‘বিপদজনক’ স্তৰত আছে। দেওবাৰে, ৰাজধানীৰ বায়ু মানদণ্ড সূচক (একিউআই) আছিল ৪০৮ । যদি একিউআই মাত্ৰা ৪০০ অতিক্ৰম কৰে, ইয়াক ‘বিপদজনক’ বুলি কোৱা হয়।
