Actress Hemamalini :
ঐতিহ্যমণ্ডিত নলবাৰীৰ হৰি মন্দিৰৰ এঘাৰদিনীয়া ৰাসমহোৎসৱ অৱশেষত সকলো উৎকণ্ঠাৰ অন্ত পেলাই যোৱা নিশা উপস্থিত হয় বলিউডৰ মোহময়ী অভিনেত্ৰী তথা ড্ৰিম গাৰ্ল খ্যাত হেমামালিনী।
উদ্বোধনী ভাষণত প্ৰৱীণ সাংসদ গৰাকীয়ে কয়, মই ভগৱান শ্ৰীকৃষ্ণৰ ওপজাভূমি মথুৰা- বৃন্দাবনৰ সাংসদ৷ ৰামায়ণ- মহাভাৰতৰ যুগতে বৃন্দাবনত ভগৱন্ত শ্ৰীকৃষ্ণই ৰাসক্ৰীড়াত অংশ লৈ গোপীসকলৰ স’তে৷ মানৱ প্ৰেম আৰু আধ্যাত্মিক চিন্তাচৰ্চাৰে মনুস্যৰ মাজত এক ভক্তি ৰসৰ সৃষ্টি কৰি শ্ৰীকৃষ্ণৰ সেই ৰাসলীলাক নলবাৰীতো মৃন্ময় মূৰ্তিৰ জৰিয়তে উপস্থাপন কৰাৰ যি প্ৰয়াস চলোৱা হৈছে তাৰ বাবে শলাগৰ পাত্ৰ হৰিমন্দিৰ পৰিচালনা সমিতি৷ সমিতিৰ পৰম্পৰাগতভাৱে আয়োজন কৰি অহা ৰাস এক মানৱ প্ৰেমৰ অন্য এক নিৰ্দশন বুলি অভিহিত কৰে মথুৰাৰ সাংসদ গৰাকীয়ে ৷
উল্লেখ্য ৰাসোৎসৱৰ গাম্ভীৰ্যপূৰ্ণ অনুস্থানক প্ৰৱীণ অভিনেত্ৰীৰ স’তে উপস্থিত থাকে মুখ্যমন্ত্ৰী ড:হিমন্ত বিশ্ব শৰ্মাৰ সহধৰ্মিনী ৰিণিকি ভূঞা শৰ্মা আৰু নলবাৰীৰ প্ৰাক্তন বিধায়ক অশোক শৰ্মা সহ বহু কেই গৰাকী গণমাধ্য ব্যক্তি ৷