Murder :
চাৰি বছৰ আগতে, এজন ভাৰতীয় ব্যক্তিয়ে অষ্ট্ৰেলিয়াত এগৰাকী মহিলাক নিৰ্মমভাৱে হত্যা কৰি পলাই। তেওঁৰ বিৰুদ্ধে ৰেড কৰ্ণাৰ জাননী জাৰি কৰা হৈছিল।
ঘোষণা কৰা হৈছিল পুৰস্কাৰ । অৱশেষত তেওঁক দিল্লীৰ পৰা গ্ৰেপ্তাৰ কৰা হৈছে । কিন্তু হত্যাৰ কাৰণ জানি আচৰিত হয় অনুসন্ধানকাৰী। জেৰাৰ সময়ত, ৰাজেন্দ্ৰ সিঙে প্ৰকাশ কৰিছিল যে মহিলাগৰাকীৰ পোহনীয়া কুকুৰে তেওঁক দেখি চিঞৰিছিল আৰু সেই কাৰণেই তেওঁ পোহনীয়া কুকুৰটোৰ মালিকক হত্যা কৰে।
২০১৮ চনত, ২৪ বছৰীয়া টয়া কৰ্ডিংলীক অষ্ট্ৰেলিয়াৰ কুইন্সলেণ্ডৰ এখন সাগৰৰ পাৰত হত্যা কৰা হয় । অভিযোগ উত্থাপিত হয় ভাৰতীয় যুৱক ৰাজেন্দ্ৰৰ বিৰুদ্ধে । তেতিয়াৰ পৰা, ৩৮ বছৰীয়া ৰাজেন্দ্ৰ পলাতক হৈ আছে।
তেওঁ অষ্ট্ৰেলিয়াত তেওঁৰ পত্নী আৰু তিনিটা সন্তানক এৰি যায় । আনহাতে, অষ্ট্ৰেলিয়াৰ আৰক্ষীয়ে ৰাজেন্দ্ৰৰ বিৰুদ্ধে ৰেড কৰ্ণাৰ জাননী জাৰি কৰে। তেঁওৰ সন্ধান দিব পাৰিলে পুৰষ্কাৰৰ মূল্য ঘোষণা কৰা হয় ১০ লাখ ।
টয়াৰ হত্যাকাৰীসকলৰ শাস্তিৰ দাবীত অষ্ট্ৰেলিয়াতো প্ৰতিবাদ কৰা হয় । জেৰাৰ সময়ত, আৰক্ষীয়ে জানিব পাৰিছিল যে ঘটনাটোৰ দিনা টয়া তেওঁৰ পোহনীয়া জন্তুৰ স’তে কুইন্সলেণ্ডৰ ৱাংগেটি সাগৰৰ পাৰলৈ গৈছিল।
আনহাতে, পত্নীৰ স’তে মনোমালিন্য হোৱাৰ পাছত ঘৰৰ বাহিৰৰ পৰা সাগৰৰ পাৰলৈ গৈছিল ৰাজেন্দ্ৰ। তেওঁৰ লগত আছিল কিছু ফল আৰু চুৰি । ৰাজেন্দ্ৰই আৰক্ষীক জনাই যে তেওঁৰ মেজাজ ভাল নাছিল।
সেই সময়ত, টয়াৰ কুকুৰে তেওঁক দেখি নিৰন্তৰ ভুকিবলৈ আৰম্ভ কৰিলে । এইটোক লৈ মালকিৰ স’তে বিবাদত আৰম্ভ হয় । তাৰ পাছতে তেওঁ খঙত টয়াক হত্যা কৰে ।
আৰক্ষীৰ সূত্ৰ অনুসৰি, টয়াৰ ক্ষতবিক্ষত মৃতদেহ বালিত পুতি থোৱা হৈছিল। শৰীৰৰ আধা অংশ বালিৰ পৰা বাহিৰ হৈ আছিল । আৰু তেওঁৰ কাষত, তেওঁৰ পোহনীয়া জন্তুটো বান্ধি থোৱা হয়
দিল্লীৰ এখন আদালতে ইতিমধ্যে ৰাজেন্দ্ৰক পাঁচ দিনৰ ন্যায়িক জিম্মালৈ প্ৰেৰণ কৰিছে। দুয়োখন দেশৰ মাজত তেওঁক অষ্ট্ৰেলিয়ালৈ উভতাই পঠোৱাৰ কথা চলিছে।