Zombie Virus :
জলবায়ু পৰিৱর্তনৰ ফলত প্রাচীন পাৰমাফ্রষ্টৰ গলন মানুহৰ বাবে নতুন ভাবুকিৰ কাৰণ হ’ব পাৰে । গৱেষকসকলৰ মতে যিয়ে প্রায় দুই ডজন ভাইৰাছ পুনৰুজ্জীৱিত কৰিছে – যাৰ ভিতৰত ৪৮,৫০০ বছৰৰ আগতে হ্রদৰ তলত হিমায়িত হৈ থকা এবিধ ভাইৰাছো আছে ।
ইউৰোপীয় গৱেষকসকলে ৰাছিয়াৰ ছাইবেৰিয়াৰ পাৰমাফ্রষ্টৰ পৰা সংগৃহীত কৰা প্রাচীন নমুনা পৰীক্ষা কৰিছে । তেওঁলোকে ১৩টা নতুন ফিটাপেলু পুনৰুজ্জীৱিত আৰু চিহ্নিত কৰিছে, সেইবোৰক গৱেষকসকলে “জম্বি ভাইৰাছ” বুলি অভিহিত কৰিছে । বহু সহস্রাব্দ হিমায়িত মাটিৰ তলত থকাৰ পাছতো সেইবোৰ সংক্রামক হৈয়ে আছে ।
বৈজ্ঞানিকসকলে দীর্ঘদিন ধৰি সতর্ক কৰিছে যে বায়ুমণ্ডলীয় উষ্ণায়নৰ ফলত পাৰমাফ্রষ্টৰ গলনে মিথেনৰ দৰে পূর্বতে আবদ্ধ হৈ থকা গ্রিনহাউছ গেছ মুক্ত কৰি জলবায়ু পৰিৱৰ্তন অধিক শোচনীয় কৰি তুলিব পাৰে । কিন্তু সুপ্ত ফিটাপেলুৰ ক্ষেত্ৰত ইয়াৰ প্রভাৱ বুজা কঠিন ।
ৰাছিয়া, জার্মানী আৰু ফ্রান্সৰ গৱেষকসকলৰ দলে কয় যে তেওঁলোকে অধ্যয়ন কৰা ভাইৰাছসমূহক পুনৰুজ্জীৱিত কৰাৰ জৈৱিক শংকা “সম্পূর্ণ নগণ্য” কাৰণ তেওঁলোকে যিবোৰ ষ্ট্ৰেন লক্ষ্য কৰিছিল, সেইবোৰ মূলতঃ এমিবা জীৱাণুক সংক্রমিত কৰিবলৈ সক্ষম । ভাইৰাছৰ সম্ভাব্য পুনৰুজ্জীৱন যিয়ে প্রাণী বা মানুহক সংক্রমিত কৰিব পাৰে সেয়া অধিক সংকটজনক ।
“ই সম্ভৱত প্রাচীন পাৰমাফ্রষ্টবোৰ গলোৱাৰ পাছত এই অচিনাকী ভাইৰাছবোৰ বিয়পাই দিব”, গৱেষকসকলে প্রিপ্রিন্ট ৰিপ’জিটৰি বায়’আৰক্সিভ-ত প্ৰকাশ কৰা এটা নিবন্ধত লিখিছে যাৰ এতিয়াও সমকক্ষ-পর্যালোচনা কৰা হোৱা নাই । “এই ভাইৰাছবোৰ এবাৰ বহিঃঅৱস্থাৰ সংস্পর্শত অহাৰ পাছত কিমান সময়লৈ সংক্রামক হৈ থাকিব আৰু এই অন্তৰালত এটা উপযুক্ত হ’ষ্টৰ সংস্পৰ্শত অহাৰ পাছত সংক্রমিত হোৱাৰ সম্ভাৱনা কিমান সম্ভৱ, সেয়া এতিয়াও অনুমান কৰা অসম্ভৱ ।”
তেওঁলোকে লগতে কয়, “কিন্তু গোলকীয় উষ্ণতাৰ শংকা বৃদ্ধি হ’ব, যেতিয়া পাৰমাফ্রষ্ট গলি ত্বৰান্বিত হৈ থাকিব আৰু শিল্প উদ্যোগৰ পৰিপ্রেক্ষিতত অধিক লোক আর্কটিক জনবহুল হ’ব ।”