Aftab Poonawala Murder Case :
সমগ্ৰ দেশ কঁপাই যোৱা শ্ৰদ্ধা হত্যাকাণ্ডৰ অভিযুক্ত আফতাব পুনাৱালাৰ নাই কোনো অনুশোচনা । অথচ এনে শীতল মগজুৰ হত্যাকাৰীয়ে কাৰাগাৰত বহি পঢ়িছে কিতাপ ! এই কথা জনাই কাৰাগাৰ কৰ্তৃপক্ষই । বৰ্তমান ন্যায়িক জিম্মাত আছে আফতাব।
থাকিব লাগিব তিহাৰ কাৰাগাৰত । আৰু তাত তেওঁক বহি কিতাপ পঢ়া দেখা গৈছে । তথ্য অনুসৰি কাৰাগাৰৰ কোঠাত তেওঁ অকলে দবা খেলো খেলিছে ।
কাৰাগাৰৰ এজন কৰ্মচাৰীয়ে কয়, “আমি প্ৰ’টকল অনুসৰি বন্দীজনৰ যত্ন লৈ আছো।” আফতাবে আমাৰ পৰা ইংৰাজী আৰু অন্যান্য কিতাপ পঢ়িব বিচাৰে।
এতিয়াৰ বাবে, আমি তেওঁক পল থেৰৌক্সৰ ‘দ্য গ্ৰেট ৰেলৱে বজাৰ’ পঢ়িবলৈ দিছো। কিতাপখন আমাৰ পুথিভঁৰালৰ পৰা দিয়া হৈছে। যদি তেওঁ পঢ়ে, তেওঁক অধিক কিতাপ দিয়া হ’ব। “
একে সময়তে, আফতাবৰ বাবে অতিৰিক্ত সাৱধানতা অৱলম্বন কৰা হৈছে। তেওঁক কঠোৰ নিৰীক্ষণৰ অধীনত ৰখা হৈছে। সুৰক্ষাৰ দিশটোও চোৱা হৈছে। কাৰণ কাৰাগাৰত তেওঁৰ ওপৰত আক্ৰমণৰ সম্ভাৱনা নুই কৰিব নোৱাৰি।
শ্ৰদ্ধা ৱাকাৰক তাইৰ প্ৰেমিক আফতাব পুনাৱালাই দিল্লীৰ মেহৰৌলীত হত্যা কৰে । হত্যাৰ পাছত, তেওঁ লিভ-ইন অংশীদাৰৰ মৃতদেহ ৩৫ টুকুৰাত কাটি পেলাই।
প্ৰথমে, কটা অংশ ফ্ৰিজত ৰাখে। তাৰ পাছত, তেওঁ ইয়াক দিল্লীৰ বিভিন্ন স্থানত পেলাবলৈ আৰম্ভ কৰে। আফতাবৰ প্ৰেমত যুৱতীগৰাকীয়ে পৰিয়াল, চাকৰি, চহৰ এৰি দিল্লীলৈ আহিছিল। অৱশ্যে, তেওঁৰ পৰিণাম দুখজনক।
আফতাবে শ্ৰদ্ধাক পলিগ্ৰাফ পৰীক্ষাত হত্যা কৰাৰ কথা স্বীকাৰ কৰিছে। অভিযুক্তজনে আনকি তেওঁৰ লিভ-ইন সঙ্গীৰ মৃতদেহটো কাটি অৰণ্যত পেলাই দিয়াৰ কথাও স্বীকাৰ কৰিছে।
তেওঁ একাধিক মহিলাৰ স’তে তেওঁৰ সম্পৰ্কক অস্বীকাৰ কৰা নাছিল। আফতাবে এইটোও জনাই যে গোটেই বিষয়টোক লৈ তেওঁৰ কোনো অনুশোচনা নাই। পৰীক্ষাগাৰৰ বিষয়াসকলে জনাই যে তেওঁ পলিগ্ৰাফ পৰীক্ষাৰ সময়ত স্বাভাৱিক আচৰণ কৰে।