Covid – 19 :
চীনত ক’ভিডৰ আতংক ।শেহতীয়াকৈ, দেশখনত প্ৰতিদিনে প্ৰায় চাৰে তিনি কোটি লোক ক’ভিডত সংক্ৰমিত হৈছে। চীনৰ ৰাষ্ট্ৰীয় স্বাস্থ্য আয়োগৰ প্ৰতিবেদনত এই কথা প্ৰকাশ পায়। কিন্তু এইবাৰ নতুন আশংকাৰ কথা ঘোষণা কৰিলে আয়োগে ।
তেওঁলোকৰ প্ৰতিবেদন অনুসৰি, জানুৱাৰীৰ মাজভাগলৈ চীনৰ মুখ্য চহৰবোৰত ক’ভিড সংক্ৰমণ সৰ্বাধিক হ’ব পাৰে। চীনৰ এক গুৰুত্বপূৰ্ণ ঔদ্যোগিক অঞ্চল ঝেজিয়াং প্ৰদেশত প্ৰতিদিনে ১০ লাখ লোক ক’ভিডত সংক্ৰমিত হৈ আছে।
চীনৰ ‘আইফোন’ চহৰ হিচাপে পৰিচিত ঝেংঝৌ চহৰখনেও যোৱা দুসপ্তাহত সংক্ৰমণৰ হাৰ সৰ্বাধিক বুলি প্ৰকাশ কৰিছে। স্বাস্থ্য আয়োগৰ মতে, চীনৰ ৮০ শতাংশ অঞ্চল ক’ভিড-১৯ ৰ দ্বাৰা সংক্ৰমিত হৈছে।
শেহতীয়াকৈ, চীনা প্ৰশাসনে সিদ্ধান্ত লৈছে যে,দেশত প্ৰতিদিনে কিমান জন লোক ক’ভিড সংক্ৰমিত হৈছে তাক আৰু কোৱা নহ’ব।
চীনে প্ৰকৃত সত্য লুকুৱাবলৈ চেষ্টা কৰাৰ অভিযোগ উত্থাপন হৈছে । দেশৰ চিকিৎসকসকলৰ এটা অংশই আশংকা কৰিছে যে এই তথ্য মুকলিকৈ ওলাই অহাৰ বাবে ক’ভিড পৰিস্থিতি অধিক অৱনতি হ’ব পাৰে।
সংক্ৰমণ তালিকা পৰ্যালোচনা কৰাৰ পাছত, স্বাস্থ্য আয়োগে আশংকা কৰে যে জানুৱাৰীৰ মাজভাগলৈ, চীনৰ চহৰবোৰত সৰ্বাধিক সংখ্যক লোক ক’ভিডত সংক্ৰমিত হ’ব।
তেতিয়া সংক্ৰমণৰ হাৰ ক্ৰমান্বয়ে হ্ৰাস পাব। অৱশ্যে, গাওঁত সংক্ৰমণৰ হাৰ হ্ৰাস হ’বলৈ অধিক সময় লাগিব পাৰে বুলি আয়োগে কয়।