Pijush Hazarika :
আজি তেজপুৰ বিধানসভা সমষ্টিৰ অন্তৰ্গত ভাৰতীয় জনতা পাৰ্টি, গাভৰু মণ্ডলৰ উদ্যোগত অনুষ্ঠিত বুথ স-শক্তিকৰণ সভাত উপস্থিত থাকে অসম চৰকাৰৰ মন্ত্ৰী পীযুষ হাজৰীকা। সভাত বুথ পৰ্যায় তথা তৃণমূল পৰ্যায়ৰ দলীয় সাংগঠনিক ভেটি শক্তিশালী কৰাৰ হেতু বিস্তৃতভাৱে আলোচনা কৰে তেখেতে।
সমষ্টিটোৰ বুথ সভাপতি সকলৰ সৈতে পৰ্যালোচনা সভাত বহে তেজপুৰ সমষ্টিত দলীয় স্থিতি শক্তিশালী কৰাৰ দায়িত্ব লাভ মন্ত্ৰী হাজৰীকাই ।
কেৱল নিৰ্বাচন কেন্দ্ৰীক নহয় সকলো সময়তে দলীয় স্থিতি সবল কৰাৰ লগতে ৰাইজৰ উন্নয়নৰ বাবে দলে এনে সভা অনুষ্ঠিত কৰি আহিছে বুলি মন্তব্য কৰে মন্ত্ৰী গৰাকীয়ে।
২০২৪ ৰ লোকসভা নিৰ্বাচন প্ৰসংগত মন্ত্ৰী গৰাকীয়ে কয় যে, নিসন্দেহে ২৪ত পুনৰ নৰেন্দ্ৰ মোদী দেশৰ প্ৰধানমন্ত্ৰী আসনত অধিষ্ঠিত হ’ব। কেৱল দ্বিতীয় স্থানত থাকিবলৈহে বিৰোধী দলসমূহে নিৰ্বাচনী প্ৰতিদ্বন্দিতাত অৱৰ্তীণ হ’ব।
বিৰোধীক এক প্ৰকাৰ নস্যাৎ কৰি মন্ত্ৰী গৰাকীয়ে মন্তব্য কৰে যে, কংগ্ৰেছৰ ভাৰত জোড়ো যাত্ৰাই কোনো প্ৰভাৱ নেপেলাইশাসকীয় বিজেপি দলক। কংগ্ৰেছ আৰু এ আই ইউ ডি এফক লৈ মন্তব্য কৰি কয়, কংগ্ৰেছ আৰু এ আই ইউ ডি এফক কেতিয়াও বিশ্বাস নকৰোঁ।
তেওঁলোক মিত্ৰতাত থাকক বা নাথাকক বিজেপি দলৰ একো ক্ষতি কৰিব নোৱাৰে। সমষ্টি পুনৰ নিৰ্ধাৰণ সন্দৰ্ভত সাংবাদিকে সুধা প্ৰশ্ন উত্তৰত তেখেত কয়, সমষ্টি পুনৰ নিৰ্ধাৰণে কোনো ধৰণৰ নেতিবাচক প্ৰভাৱ নেপেলায়।
অসমীয়াৰ সুৰক্ষাৰ স্বাৰ্থত অসম চৰকাৰ তথা মুখ্যমন্ত্ৰী ড০ হিমন্ত বিশ্ব শৰ্মাই যি কাম-কাজ কৰিছে তাৰ বাবে সকলোৰে পৰা সহায়-সহযোগীতা আৰু আশীৰ্বাদ কামনা কৰে মন্ত্ৰী পীযুষ হাজৰিকাই।
সভাত বিজেপি দলৰ জিলা সভাপতি বাতাছ ওৰাঙ , গাভৰু মণ্ডলৰ সভাপতি জয়ন্ত বৰা, সমষ্টিৰ অন্তৰ্গত ভাৰতীয় জনতা পাৰ্টিৰ জিলা, মণ্ডল, শক্তিকেন্দ্ৰ তথা বুথ পৰ্যায়ৰ বিষয়ববীয়া-কাৰ্যকৰ্তা সকল উপস্থিত থাকে।