Drugs Seized In kamakhya Station:
নিষিদ্ধ ড্ৰাগছৰ বিৰুদ্ধে অসম আৰক্ষীয়ে কঠোৰ স্থিতি গ্ৰহণ হৈ থকাৰ সময়তে ড্ৰাগছ সৰবৰাহকাৰীয়ে ড্ৰাগছ সৰবৰাহৰ বাবে স্থল পথৰ পৰিৱৰ্তে নিৰাপদ স্থান হিচাপে বাচি লৈছে ট্ৰেইন ৷
ADVERTISEMENT
এই ভয়ংকৰ তথ্য পোহৰলৈ আনিছে গুৱাহাটী ৰে’লৱে আৰক্ষীয়ে ৷ জিআৰপিয়ে মালিগাঁৱস্থ কামাখ্যা ৰে’ল ষ্টেচনত ৰে’লৰ ডবাৰ পৰা উদ্ধাৰ কৰে কোটি টকা মূল্যৰ হে’ৰইন ।
জানিব পৰা মতে, কালি নিশা কামাখ্যা জিআৰপি চকীৰ এটা আৰক্ষীৰ দলে ষ্টেচনত নিয়মীয়া তালাচী চলাই থকাৰ সময়ত আগৰতলাৰ- বাংগালুৰু অভিমুখী ১২৫০৪ নং নামনিমুৱা হামচাফাৰ এক্সপ্ৰেছ খন ষ্টেচনত ৰখোৱাৰ পাছতে অতৰ্কিতে অভিযান চলাই এটা গৰাকীবিহীন বেগ জব্দ কৰে ৷ বেগটো খোলাৰ পাছতে উদ্ধাৰ কৰে সাত পেকেট হে’ৰইন ।
অৱশ্যে বেগটোৰ গৰাকীক আৰক্ষীয়ে আটক কৰিবলৈ সক্ষম নহ’ল যদিও এন ডি পি এছ আইনৰ অধীনত এক গোচৰ ৰজু কৰি তদন্ত অব্যাহত ৰাখিছে ৷
