Ratnam Mahayasi Award :
বেচৰকাৰী স্বেচ্ছাসেৱী সংগঠন “ৰত্নম”ৰ উদ্যোগত আৰু অসম ৰাজ্যিক মহিলা আয়োগৰ সহযোগিতাত শ্ৰীমন্ত শংকৰদেৱ কলাক্ষেত্ৰৰ শ্ৰীশ্ৰীমাধৱদেৱ আন্তৰ্জাতিক প্ৰেক্ষাগৃহত অনুষ্ঠিত “মহীয়সী বঁটা ২০২৩” প্ৰদান অনুষ্ঠান অনুষ্ঠিত হয় |
অনুষ্ঠানত সাহিত্যিক হেমপ্ৰভা বড়া সোণোৱাল, হস্ত-তাঁত বস্ত্ৰ শিল্পী হেমন্তী দলে চুংক্ৰাং, লোকশিল্পী বৈজয়ন্তী নাথ তালুকদাৰ, চাহ বাগিচাত ড্ৰাগ্ছ-বাল্য বিবাহৰ বিৰুদ্ধে অবিৰতভাৱে যুঁজ দিয়া সমাজসেৱী ভানু তাঁতী আৰু আশী বছৰতো উৎসৰ্গিত মনোভাৱেৰে নাৰ্ছিং সেৱা আগবঢ়োৱা স্নেহলতা এন চাংমাক বঁটা প্ৰদান কৰা হয় ।
সমাজলৈ ব্যতিক্ৰমী অৱদান আগবঢ়োৱা তথা প্ৰচাৰ বিমুখ মহিলাসকলক উলিয়াই আনি স্বীকৃতি তথা সম্বৰ্ধনা জনোৱা পদক্ষেপে মহিলাক সমাজৰ উন্নয়নৰ অংশীদাৰ হ’বলৈ উৎসাহিত কৰি আহিছে ৷
মহীয়সী বঁটাৰ জৰিয়তে নিজ নিজ কৰ্মক্ষেত্ৰত বিশেষ পাৰদৰ্শিতা প্ৰদৰ্শন কৰা বিভিন্ন ক্ষেত্ৰৰ মহিলাসকলক স্বীকৃতি প্ৰদান কৰাৰ জৰিয়তে নাৰী সমাজেও যে সমাজৰ বিকাশৰ এক শক্তিশালী অংশীদাৰ সেই কথাও প্ৰতীয়মান কৰে |
