Bodoland Tourism :
প্ৰকৃতিৰ ৰম্যভূমি বিশ্ব ঐতিহ্য ক্ষেত্ৰ মানাহ ৰাষ্ট্ৰীয় উদ্যানৰ বাঁহবাৰী ৰেঞ্জৰ কাহিবাৰীত অহা ১৮ মাৰ্চৰ পৰা ১৯ মাৰ্চলৈ দুদিনীয়া কাৰ্যসূচীৰে অনুষ্ঠিত হ’ব গ্ৰাম্য পৰ্যটন মেলা ৷
সুকীয়া সুকীয়া বিপনীত প্ৰদৰ্শিত সামগ্ৰীসমূহ ইচ্ছুক ক্ৰেতা ৰাইজে ক্ৰয় কৰাৰো সুবিধা থাকিব দুদিনীয়া এই গ্ৰাম্য পৰ্যটন মেলাত ।
বড়োলেণ্ড পৰ্যটন বিভাগৰ উদ্যোগত পোন প্ৰথমবাৰৰ বাবে এনেদৰে গ্ৰাম্য পৰ্যটন মেলা আয়োজনৰ কথা জানিবলৈ দিয়ে বড়োলেণ্ড পৰ্যটন বিভাগৰ সঞ্চালক জয়ন্ত শৰ্মা আৰু বড়োলেণ্ড পৰ্যটন বিভাগৰ ও এচ ডি সনৎ কুমাৰ মহন্তই।
দুদিনীয়াকৈ অনুষ্ঠিত হ’বলগীয়া এই গ্ৰাম্য পৰ্যটন মেলাৰ শুভ উদ্বোধন কৰিব বিটিআৰৰ মুখ্য কাৰ্যবাহী প্ৰমোদ বড়োৱে ৷ অনুষ্ঠানত বিটিআৰৰ বন বিভাগৰ কাৰ্যবাহী সদস্য ধৰ্মনাৰায়ণ দাসৰ লগতে প্ৰশাসনীয় বিভিন্ন উচ্চপদস্থ বিষয়াসকল উপস্থিত থাকিব বুলি দুয়োগৰাকী বিষয়ববীয়াই সদৰি কৰিছে ।