Covid 19 :
নতুন প্ৰকাৰৰ প্ৰভাৱত পুনৰ বৃদ্ধি পাইছে কৰ’না ভাইৰাছ । বিশ্ব স্বাস্থ্য সংস্থাই সমগ্ৰ দেশতে মাৰাত্মক ভাইৰাছৰ উত্থানৰ কথা ঘোষণা কৰিছে ।
ইফালে, দেশৰ দৈনিক ক’ভিড-১৯ ঘটনাই ১১,০০০ ৰ সীমা অতিক্ৰম কৰিছে। সেয়া বৃহস্পতিবাৰৰ তুলনাত প্ৰায় এহেজাৰৰো অধিক।
স্বাস্থ্য মন্ত্ৰালয়ৰ প্ৰতিবেদন অনুসৰি, দেশত যোৱা ২৪ ঘণ্টাত ১১,১০৯ জন লোক কৰ’নাত আক্ৰান্ত হৈছে।
আটাইতকৈ উদ্বেগজনক কথাটো হ’ল যে দেশৰ দৈনিক একটিভ কেছৰ হাৰ ৪.৫ শতাংশ বৃদ্ধি পাইছে।
সাপ্তাহিক একটিভ কেছৰ হাৰও চাৰি শতাংশলৈ বৃদ্ধি পাইছে। দেশত সক্ৰিয় ৰোগীৰ সংখ্যাও প্ৰতিদিনে বাঢ়ি আহিছে। বৰ্তমান, সক্ৰিয় ৰোগীৰ সংখ্যা হৈছে ৪৯,৬২২ জন।
যোৱা ২৪ ঘণ্টাত, মাৰাত্মক ভাইৰাছে মুঠ ৩০ জন লোকৰ মৃত্যু ঘটাইছে। ফলস্বৰূপে, দেশত মুঠ মৃত্যুৰ সংখ্যা ৫,৩১,০৬৪ লৈ বৃদ্ধি পাইছে।
সুস্থতাৰ হাৰও সামান্য কম। সুস্থতাৰ হাৰ বৰ্তমান ৯৮.৭০ শতাংশ। কিছুদিনৰ আগতে, এই হাৰ প্ৰায় ৯৯ শতাংশত উপনীত হৈছিল।
মহাৰাষ্ট্ৰ আৰু দিল্লীৰ পৰিসংখ্যা যথেষ্ট উদ্বেগজনক। দুয়োখন ৰাজ্যতে দৈনিক এহেজাৰৰো অধিক ঘটনা আছে। উত্তৰ প্ৰদেশতো আক্ৰান্ত বৃদ্ধি হ’বলৈ আৰম্ভ কৰিছে।
কেৱল ভাৰতেই নহয়, সমগ্ৰ দক্ষিণ এছিয়াতে ক’ভিডৰ আক্ৰান্ত বৃদ্ধি পাইছে। অৱশ্যে, ভাল খবৰটো হৈছে যে আক্ৰান্ত বৃদ্ধি হোৱা স্বত্বেও, গুৰুতৰ ৰোগ দেখা নাযায়।