Nagaon Bjp Minority Cell Iftar :
পবিত্ৰ ৰমজান মাহ উপলক্ষে দেওবাৰে মুছলিম ৰাষ্ট্ৰীয় মঞ্চ নগাঁও জিলা শাখাৰ উদ্যোগত আৰু ভাৰতীয় জনতা পাৰ্টি সংখ্যালঘু মৰ্চা নগাঁও জিলা গোটৰ সহযোগত নগাঁও চহৰৰ দক্ষিণ হয়বৰগাঁওস্থিত সেউজ বিবাহ ভৱনত অনুষ্ঠিত হয় ইফতাৰ মেহফিলৰ কাৰ্যসূচী।
সমূহীয়া ইফতাৰত অংশগ্ৰহণ কৰি ৰমজান মাহৰ শুভেচ্ছা জ্ঞাপন কৰে নগাঁও সদৰ সমষ্টিৰ বিধায়ক ৰূপক শৰ্মাই । এই ইফতাৰ কাৰ্যসূচীত মুছলিম ৰাষ্ট্ৰীয় মঞ্চ অসম প্ৰদেশৰ সভাপতি আলকাছ হুছেইন, অসম ৰাজ্যিক সংখ্যালঘু উন্নয়ন বৰ্ডৰ অধ্যক্ষ হাবিব মহম্মদ চৌধুৰী ,বিজেপিৰ সংখ্যালঘু মৰ্চাৰ জিলা সভাপতি নুৰুদ্দিন আহমেদ, সংখ্যালঘু মৰ্চাৰ নগাঁও গোটৰ জ্যেষ্ঠ নেতা ইয়াক্ৰুৱ আলী, পৌৰসভাৰ কেইবাগৰাকীও মহলা আয়ুক্তৰ লগতে স্থানীয় ব্যক্তি সকল উপস্থিত থাকে।
