Jorhat Deadbody Recover :
পাঁচ মাৰ্চৰ পৰা সন্ধানহীন হৈ থকা মেধাৱী যুৱক এজনৰ মৃতদেহৰ অৱশিষ্ট অংশ নিজ বাসগৃহৰ সমীপৰ হাবিত উদ্ধাৰক লৈ তীব্ৰ চাঞ্চল্য সৃষ্টি হয় যোৰহাটৰ কেন্দুগুৰিত ৷
আনহাতে এইয়া এক পৰিকল্পিত হত্যাকাণ্ড বুলি তাৎপৰ্যপূৰ্ণ মন্তব্য কৰিছে পৰিয়ালৰলোকে ৷ পাঁচ মাৰ্চৰ পৰা হঠাতে ঘৰৰ পৰা নিখোজ হয় যোৰহাটৰ কেন্দুগুৰি দুই নং ব্ৰাহ্মণ গাঁৱৰ বাসিন্দা অবিনাশ শইকীয়া ৷
পৰিয়ালৰ লোকে নিৰুদ্দিষ্ট হোৱাৰ সন্দৰ্ভত থানাত এজাহাৰ দাখিলৰ পাছতো কোনো শূংসূত্ৰ উলিয়াবলৈ সক্ষম নহ’ল যদিও শুক্ৰবাৰে যুৱকজনৰ উৱলি যোৱা মৃতদেহৰ অৱশিষ্ট অংশ উদ্ধাৰ হয় ঘৰৰ সমীপৰে এখন হাবিত ৷ আনহাতে মৃতদেহৰ কাষতে জহিঘহি যোৱা কাপোৰ আৰু ম’বাইলটোৰ পৰা পৰিয়ালৰ লোকে অবিনাশ বুলি চিনাক্ত কৰিছে যদিও আৰক্ষীয়ে নিশ্চিত হ’বৰ বাবে ডি এন এ পৰীক্ষাৰ ব্যৱস্থা কৰিছে ৷
উল্লেখ্য যে,উদ্ধাৰ হোৱা ম’বাইলটো অন হোৱা অৱস্থাত ফ্লাইড মোডত আছিল ৷ স্মতব্য যে, মাজুলীৰ এগৰাকী যুৱতীৰ স’তে অবিনাশৰ আছিল অগাধ প্ৰেমৰ সম্পৰ্ক৷কিন্ত কিছুদিন পূৰ্বে যুৱতী গৰাকীয়ে আত্মহণন কৰে ৷ ইয়াৰ পাছৰে পৰা সন্ধানহীন হয় অবিনাশ ৷এই কথা ইতিমধ্যে আৰক্ষীৰ তদন্তত এই কথা জানিব পাৰিছে আৰক্ষীয়ে ৷
