Kedarnath :
যিসকলে তীৰ্থযাত্ৰা কৰি ভাল পায় লগতে ট্ৰেকিং কৰি ভাল পাই তেওঁলোকৰ বাবে কেদাৰনাথ ভ্ৰমণ কৰাটো এটা সপোনৰ দৰে। চাৰধামৰ ভিতৰত অন্যতম হ’ল কেদাৰনাথ মন্দিৰ ।
অৱশ্যে, এই পাহাৰীয়া পথ অতিক্ৰম কৰি গন্তব্যস্থানত উপনীত হোৱাটো যথেষ্ট কঠিন। বতৰ বিভাগে ইতিমধ্যে জনাই যে এই সময়ছোৱাত বৰষুণ আৰু বৰফৰ আগজাননী দিয়া হৈছে।
ইয়াৰ লগতে চৰকাৰে তীৰ্থযাত্ৰীসকলক বিভিন্ন নিৰ্দেশনাও জাৰি কৰিছে। গতিকে আপোনাৰ যাত্ৰা আৰম্ভ কৰাৰ আগতে কেইটামান কথা মনত ৰখাটো গুৰুত্বপূৰ্ণ।
(১) অত্যাধিক বস্তু নল’ব
যি ঠাই লৈকে যায়, লগত অত্যাধিক বস্তু নল’ব। ট্ৰেকিং কৰোঁতে বা পৰ্বতৰ ওপৰলৈ খোজ কাঢ়োঁতে ই সমস্যাৰ সৃষ্টি কৰিব পাৰে।
(২) শীতকালীন পোছাক
কেদাৰনাথত গোটেই বছৰটো ঠাণ্ডা হৈ থাকে। গতিকে যোৱাৰ আগতে, পৰৱৰ্তী ১০ দিনৰ তাপমাত্ৰা অধ্যয়ন কৰক আৰু সেই অনুসৰি কাপোৰ লৈ যাত্ৰা আৰম্ভ কৰক।
(৩) অত্যাৱশ্যকীয় ঔষধ
চৰকাৰী সাহায্য কেন্দ্ৰবোৰে তীৰ্থযাত্ৰীসকলৰ বাবে জীৱনদায়ী ঔষধ মজুত ৰাখে। অৱশ্যে, যিসকলে নিয়মীয়াকৈ ৰক্তচাপ, ডায়েবেটিচৰ দৰে ৰোগৰ বাবে ঔষধ গ্ৰহণ কৰিব লগা হয়, তেওঁলোকে নিজৰ ওচৰত পৰ্যাপ্ত ঔষধ ৰাখিব লাগে । যদি আপোনাৰ উশাহ চুটি হয়, চিকিৎসকৰ পৰামৰ্শ অনুসৰি ইনহেলাৰ এটাও ৰাখিব লাগে।
(৪) শুকান খাদ্য
সেই স্থানত বতৰ ঠাণ্ডা , শৰীৰ গৰম ৰাখিবলৈ, এনে খাদ্য আপোনাৰ ওচৰত ৰাখিব লাগে, যি পেট গৰম ৰাখে। ইয়াৰ উপৰিও, কিছুমান খাদ্য যেনে শুকান ফল, প্ৰ’টিন বাৰ, বিস্কুট, মুৰি আদিও আপোনাৰ ওচৰত ৰাখিব পাৰে ।
