Covid Update :
পূৰ্বৰ দৰে মাৰাত্মক ক্ষমতা নাথাকিলেও এতিয়াও বিপদজনক ক’ৰনা ভাইৰাছ। বিশ্ব স্বাস্থ্য সংস্থাই দিয়া এই বাৰ্তাৰ পাছতে দেশৰ ক”ভিড পৰিসংখ্যাত কিছু সকাহ ।একেদিনাই যথেষ্ট হ্ৰাস পালে সংক্ৰমণ । একে সময়তে, সক্ৰিয় ৰোগীৰ সংখ্যাও হ্ৰাস পালে ।স্বাস্থ্য মন্ত্ৰালয়ৰ প্ৰতিবেদন অনুসৰি, দেশত যোৱা ২৪ ঘণ্টাত ৭,৫৩৩ জন লোক ক’ৰনা (Corona)ত সংক্ৰমিত হৈছে।
দৈনিক আক্ৰান্ত এদিনতে প্ৰায় ১৯ শতাংশ হ্ৰাস পাই। চিন্তাৰ বিষয় টো হ’ল যে দেশৰ দৈনিক আৰু সাপ্তাহিক ইতিবাচকতাৰ হাৰ এতিয়াও যথেষ্ট বেছি। বৰ্তমান, সক্ৰিয় ৰোগীৰ সংখ্যা হৈছে ৫৩,৮৫২ জন।
কিন্তু সামগ্ৰিকভাৱে, আটাইতকৈ উদ্বেগজনক কথাটো হ’ল দৈনিক মৃত্যুৰ সংখ্যা। স্বাস্থ্য মন্ত্ৰালয়ৰ প্ৰতিবেদন অনুসৰি, যোৱা ২৪ ঘণ্টাত মৃত্যুৰ সংখ্যা ৪৪ বৃদ্ধি পাইছে।
ইয়াৰ ভিতৰত অৱশ্যে ১৬জনৰ মৃত্যুৰ পুৰণি পৰিসংখ্যা সংখ্যাত যোগ কৰা হৈছে। এই ১৬ জন লোকক বাদ দিলেও ২৪ ঘণ্টাত মৃত্যুৰ সংখ্যা ২৮ লৈ বৃদ্ধি পাইছে।
আগতে ২৪ ঘণ্টাত, দেশখনত ২৬ জন লোকৰ মৃত্যু হৈছিল। অৰ্থাৎ, মাত্ৰ দুদিনৰ ভিতৰত মৃত্যুৰ সংখ্যা পঞ্চাশতকৈও অধিক।বিশ্ব স্বাস্থ্য সংস্থাৰ মতে, ক’ৰনাৰ নতুন এক্সবিবি.১.১৬ প্ৰকাৰৰ আগমনৰ পাছত সমগ্ৰ বিশ্বতে ছবি উদ্বেগজনক। কেৱল যোৱা চাৰি সপ্তাহত, বিশ্বজুৰি ক’ৰনাত ১৪ হেজাৰ লোকৰ মৃত্যু হৈছে।
বিশ্ব স্বাস্থ্য সংস্থাই স্বীকাৰ কৰিছে যে এই বছৰ সামগ্ৰিক মৃত্যুৰ হাৰ ৯৫ শতাংশ হ্ৰাস পাইছে। কিন্তু নতুন প্ৰকাৰটোৱে উদ্বেগ বৃদ্ধি কৰিছে। অনাগত দিনত এইটো বৃদ্ধি পাব। সেয়েহে, পিছপৰা দেশবোৰ এতিয়াৰ পৰা প্ৰস্তুত থকা উচিত ।