Goreswar:
শ্ৰমিক দিৱসলৈ মাজত মাত্ৰ এটা দিন থকা অৱস্থাত দুজনকৈ শ্ৰমিকৰ কৰুণ মৃত্যু। গোৰেশ্বৰৰ বাঙালীপৰাত কুঁৱা খান্দি থকা অৱস্থাতে সংঘটিত হয় এক শোকাৱহ ঘটনা ৷
প্ৰাপ্ত খবৰ অনুসৰি বাঙালীপৰাত এজন লোকৰ ঘৰত কুঁৱা খান্দি থকা অৱস্থাত ২০ ফুট দ কুঁৱাটোৰ ভিতৰত অক্সিজেন নাপায় দুই শ্ৰমিক অচেতন হৈ পৰে ৷
পাছত স্থানীয় লোক আৰু অগ্নি নিৰ্বাপক বাহিনীৰ উদ্ধাৰকাৰী দলে অতি তৎপৰতাৰে কুঁৱাটোৰ ভিতৰৰ পৰা উদ্ধাৰ কৰি ততাতৈয়াকৈ স্থানীয় চিকিৎসালয়লৈ নিয়ে যদিও চিকিৎসকে মৃত ঘোষণা কৰে ৷
মৃত শ্ৰমিক দুজন হ’ল বাঙালীপাৰাৰে ৰমজান আলী আৰু চিৰাজ আলী।