Bomb Blast In Milan City:
ইউৰোপীয়ান দেশ ইটালীৰ মিলান চহৰত ভয়ংকৰ বিস্ফোৰণ ৷ মিলান চহৰৰ মাজমজিয়াৰ ব্যস্ততাপূৰ্ণ অঞ্চল চিটী চেন্টাৰ পার্কিঙত থকা এখন ভানত বৃহস্পতিবাৰে দুপৰীয়া সংঘটিত হোৱা ভয়াৱহ বিস্ফোৰণৰ ফলত এক হাহাকাৰময় পৰিস্থিতিৰ সৃষ্টি হয় ৷
বিস্ফোৰণৰ ফলত পাকিংত থকা কেবাখনো বাহন ভস্মীভূত হয় ৷ হঠাতে হোৱা ঘটনাত কিংকৰ্তব্যবিমূঢ় হৈ তাত উপস্থিত থকা লোক সকল প্ৰাণৰ মমতাত যেনিতেনি দৌৰ মাৰে ৷
ইতিমধ্যে মিলান চহৰৰ আৰক্ষী উপস্থিত হৈ সমগ্ৰ অঞ্চলটো ঘেৰাও কৰি আৰম্ভ কৰিছে তদন্ত ৷ আনকি উপস্থিত হৈছে ফৰেনছিকৰ বিষয়াবৰ্গ ৷
বিস্ফোৰণৰ আঁৰত সন্ত্ৰাসবাদী জড়িত থকাৰ সন্দেহ প্ৰকাশ কৰিছে মিলান চহৰৰ আৰক্ষীয়ে৷ যাৰবাবে আৰক্ষীয়ে মিলান চহৰত জাৰি কৰিছে হাই এলাৰ্ট ৷