Nazira Incident:
নাজিৰাৰ বিহুবৰত অঘটন। গুপ্তধনৰ সন্ধানত নৰবলিৰ অপচেষ্টা চলোৱা সন্দৰ্ভত এজন ব্যক্তিৰ বিৰুদ্ধে গুৰুত্বৰ অভিযোগ ৷ মোচোৱা মুণ্ডা নামৰ লোকজনৰ বিৰুদ্ধে এই অভিযোগ৷
ইতিমধ্যে ভীতিগ্রস্ত যুৱতীগৰাকীয়ে আৰক্ষীক অভিযোগ দিয়াৰ পাছত সকলো কথা পোহৰলৈ আহে ৷ আনহাতে এই ঘটনাৰ পাছৰে পৰা পলাতক আছে অভিযুক্ত মোচোৱা মুণ্ডা।
উল্লেখ্য যে, যুৱতীগৰাকীৰ মাতৃৰ হাতত মোচোৱা মুণ্ডা দিছিল দুইলাখ টকা ৷ পৰৱৰ্তী সময়ত কামলৈ যোৱাৰ পথতে আগচি ধৰিছিল যুৱতী গৰাকীক৷ কিন্ত যুৱতী গৰাকীয়ে চিঞৰ- বাখৰ কৰাত পলায়ন কৰে মোচোৱা মুণ্ডা ৷
আনহাতে ঘটনাৰ সন্দৰ্ভত আৰক্ষীয়ে অব্যাহত ৰাখিছে তদন্ত। আৰক্ষীয়ে অভিযুক্ত মোচোৱা মুণ্ডাক আটক কৰাৰ পাছতহেই পোহৰলৈ আহিব সমগ্ৰ ঘটনাৱলী ।