PPF Demands Renaming Of Kameshwari Bridge Of Maligaon Flyover:
সকলো উৎকণ্ঠাৰ অন্ত পেলাই ৩০আগষ্টৰ ৰাখী বন্ধনৰ দিনাই মুকলি হ’ব মালিগাঁও উৰণীয়া সেঁতু।ৰামধেনু আকৃতিত নিৰ্মাণ কৰি উলিওৱা দুবছৰ চাৰিমাহ দিন ধৰি অব্যাহত থকা নিৰ্মাণকাৰ্য ইতিমধ্যে সম্পন্ন হয় ৷
নিৰ্মাণকাৰ্যৰ ৯৯ শতাংশ কাম পৰিদৰ্শন কৰাৰ সময়ত মালিগাঁও উৰণীয়া সেঁতুৰ নাম মালিগাঁও উৰণীয়া সেঁতু হ’ব বুলি মুখ্যমন্ত্ৰী ড:হিমন্ত বিশ্ব শৰ্মাই সদৰি কৰিছিল ৷
কিন্ত শেহতীয়াকৈ পেট্ৰিয়টিক পিপলছ ফ্ৰণ্ট অসম নামৰ সংগঠনটোৱে মুখ্যমন্ত্ৰীৰ ঘোষণাক নাকচ কৰি ‘কামেশ্বৰী সেঁতু’নামেৰে নামাকৰণ কৰিবলৈ দাবী উদ্থাপন কৰে ৷
সংগঠনটোৱে আৰু উল্লেখ কৰে যে পবিত্ৰ হিন্দু শাস্ত্ৰ কালিকা পুৰাণত দেৱী কামাখ্যাৰ বিস্তৃত বৰ্ণনা দিয়া হৈছে। প্ৰাচীন কালৰ পৰাই এই অঞ্চলটো কামৰূপ-কামাখ্যাৰ দেশ হিচাপে পৰিচিত।
সেয়েহে যদি উৰণীয়া সেতুৰ নাম কামেশ্বৰী সেতু ৰখা হয় তেন্তে বিশেষকৈ সকলো ভক্ত আৰু সাধাৰণ লোকৰ বাবে ই এক উপযুক্ত সন্মান প্ৰদৰ্শন কৰা হ’ব ৷