Two Thief Arrested In Jalukbari:
মহানগৰীৰ জালুকবাৰী আৰক্ষীৰ জালত কুখ্যাত বাইক চোৰ হাজোৰ আধিয়াৰপাৰৰ মুকুট আলী।
উল্লেখ্য যে, দুৰ্ধৰ্ষ চোৰটোৱে ইতিমধ্যে চুৰি কৰা বাইক এখন বিক্ৰী কৰিবলৈ জালুকবাৰীলৈ অহাৰ সম্ভেদ লাভ কৰিছিল জালুকবাৰী আৰক্ষীয়ে ৷
সেই অনুসৰি জালুকবাৰী আৰক্ষী চকীৰ ভাৰপ্ৰাপ্ত বিষয়া প্ৰীতম দাস এটা আৰক্ষী দলঙৰ শৰাইঘাটৰ দলঙৰ ওপৰত সংগোপনে বাহৰ পাতি আছিল ৷
আনহাতে গভাইত চোৰ মুকুট আলীয়ে বিক্ৰীৰ উদ্দেশ্যৰে বাইক খন চলাই শৰাইঘাট দলং পাওঁতেই আৰক্ষীয়ে ঘেৰাও কৰে ৷ কিন্ত চোৰটোৱে বাইক খন এৰি পলায়নৰ চেষ্টা কৰে যদিও আৰক্ষীয়ে বহুদূৰ খেদি খেদি আটক কৰিবলৈ সক্ষম হয়।
ধৃত চোৰটোৰ পৰা আৰক্ষীয়ে জব্দ কৰে এখন নম্বৰপ্লেটবিহীন হিৰ’ গ্লেমাৰ বাইক ।
আনহাতে দুৰ্ধৰ্ষ চোৰটোৰ স্বীকাৰোক্তিৰ ভিত্তিত যোৱা নিশা চাহজাহান আলী নামৰ আন এটা বাইক চোৰক গ্ৰেপ্তাৰ কৰিবলৈ সক্ষম হয় ৷ চোৰটোৰ পৰাও আৰক্ষীয়ে জব্দ কৰে এখন নম্বৰপ্লেটবিহীন ৰঙা ৰঙৰ হিৰ’ গ্লেমাৰ বাইক৷
ধৃত চাহজাহান আলীৰ ঘৰো হাজোৰ আধিয়াৰপাৰত বুলি জানিব পৰা গৈছে | আৰক্ষীয়ে দুয়োটা দুৰ্ধষ বাইক চোৰক জেৰা অব্যাহত ৰাখিছে জালুকবাৰী আৰক্ষীয়ে।