Yaba Tablets Seized In Lakhipur:
ADVERTISEMENT
কাছাৰত ড্ৰাগছৰ বিৰুদ্ধে আৰক্ষীয়ে অভিযান তীব্ৰতৰ কৰি তোলাৰ মাজতে অসম ৰাইফলছ আৰু লক্ষীপুৰ আৰক্ষীৰ যুটীয়া অভিযানত জব্দ হয় বিশহাজাৰ য়াবা টেবলেট ৷
বিশেষ সূত্ৰৰ পম খেদি আৰক্ষীয়ে এখন স্কুটীত তালাচী চলাই উল্লিখিত পৰিমাণৰ য়াবা টেবলেট জব্দ কৰাৰ লগতে এজন সৰবৰাহকাৰীক আটক কৰিবলৈ সক্ষম হয় ৷
উল্লেখ্য যে,শিলচৰ -ইম্ফল ৩৭নং ৰাষ্ট্রীয় ঘাইপথৰ কণ্ঠআৱৰত এ এচ ১১কে-৫২৫৩ নম্বৰৰ স্কুটী এখনৰে সৰবৰাহকাৰীয়ে বিক্ৰীৰ বাবে আনিছিল য়াবা টেবলেটখিনি। ধৃত সৰবৰাহকাৰীটোৰ নাম মাৰকুলিনৰ সিএমথাৰ মাৰ ।
জব্দকৃত টেবলেটখিনিৰ বজাৰ মূল্য প্ৰায় ১ কোটি টকা বুলি নিশ্চিত কৰিছে অসম ৰাইফলছে।
ইতিমধ্যে আটকাধীন সৰবৰাহকাৰীজনক লক্ষীপুৰ আৰক্ষী থানাত অধিক তথ্যৰ বাবে জেৰা অব্যাহত ৰাখিছে আৰক্ষীয়ে ৷
