Bilasipara Encounter:
ৰাজ্যত পুনৰ এনকাউণ্টাৰৰ ঘটনা ৷ এইবাৰ ঘটনাৰ স্থান বিলাসীপাৰা ৷ আৰক্ষীৰ জিম্মাৰ পৰা পলায়নৰ চেষ্টা কৰোঁতেই গুলীচালনা। গুলীবিদ্ধ ছফিকুল ইছলাম নামৰ দুৰ্ধৰ্ষ অপৰাধীটো ৷
উল্লেখ্য যে, দুৰ্ধৰ্ষ অপৰাধীটোক সোমবাৰে আৰক্ষীয়ে নাথপাৰাৰ পৰা পিষ্টল আৰু গুলীসহ আন সংগী এজনৰ স’তে গ্ৰেপ্তাৰ কৰিছিল ৷ জব্দ কৰিছিল দুৰ্বৃত্ত কেইটাই ব্যৱহাৰ কৰা পালচাৰ বাইক ৷
আনহাতে সোমবাৰে নিশাই ধৃত দুয়োজনকে লৈ আৰক্ষীয়ে চিৰাকুটাৰ বেতবাৰীলৈ নি ৰাণীগঞ্জ পাহাৰত অভিযান চলাইছিল।
কিন্ত অভিযান অব্যাহত থকাৰ মাজতে ধৃত ছফিকুল ইছলামে পলায়নৰ চেষ্টা কৰে ৷ লগে লগে আৰক্ষীয়ে গুলীচালনা কৰে ৷ আৰক্ষীৰ গুলীত ভৰিত আঘাতপ্ৰাপ্ত হোৱাত চিকিৎসালয়ত ভৰ্তি কৰোৱা হয় দুৰ্ধৰ্ষ অপৰাধীটোক ৷