Dispur Police:
মহানগৰীৰ সদাব্যস্ত থানাত পুৱাই লাগিল অথন্তৰ । আটকাধীন গভাইত চোৰ এটাক স্বাস্থ্য পৰীক্ষা কৰিবলৈ নিয়াৰ সময়তে হেণ্ডকাফসহ পলায়ন কৰে ৷
প্ৰাপ্ত খৱৰ অনুসৰি আজি পুৱাতে দিছপুৰ আৰক্ষীয়ে এটা আটকাধীন চোৰক স্বাস্থ্য পৰীক্ষাৰ বাবে লাষ্টগেইটৰ ৰাজধানী চৰকাৰী চিকিৎসালয়লৈ চিকিৎসা পৰীক্ষাৰ বাবে নিছিল ৷ দুজন কনিষ্টবলে নি থকা সময়তে চিকিৎসালয় চৌহদৰে পৰা হঠাতে হেণ্ডকাফসহ পলায়ন কৰে গভাইত চোৰটোৱে ৷
উল্লেখ্য যে,গভাইত চোৰটোৰ ৰন্ধন গেছৰ চিলিণ্ডাৰ চোৰ কৰি থকা অৱস্থাতে হাতিলোটে কৰায়ত্ত কৰি দিছপুৰ আৰক্ষীক চমজাই দিছিল ৰাইজে ৷
ইতিমধ্যে স্মাৰ্ট আৰক্ষীৰ জিন্মাৰ পৰা গভাইত চোৰ হেণ্ডকাফসহ পলায়ন কৰা ঘটনাক লৈ মহানগৰ আৰক্ষীত তীব্ৰ প্ৰতিক্ৰিয়াৰ সৃষ্টি হৈছে ৷
শেহতীয়া খবৰ অনুসৰি কত্তৰ্ব্যৰত কনিষ্টবল দুজনক কৈফিয়ৎ তলব কৰিছে আৰক্ষীৰ উৰ্ধতম কৰ্তৃপক্ষই ৷