Iran Airstrike Pakistan:
চুবুৰীয়া পাকিস্তানে দেশখনৰ সন্ত্ৰাসবাদীক দীৰ্ঘদিন ধৰি সাৰপানীৰে ৰক্ষনাবেক্ষণ দি অহাৰ অভিযোগ ভাৰত সহ বিশ্বৰ বহু দেশৰ ৷ কাৰ্যত: পাকিস্তানৰ এই দৃষ্টিভংগীৰ বিৰুদ্ধে শেহতীয়াকৈ দেশখনৰ প্ৰতিবেশী ইৰানে কঠোৰস্থিতি গ্ৰহণ কৰি যোৱা নিশাৰে পৰা বালুচিস্তান প্ৰদেশৰ সীমান্তৱৰ্তী সন্ত্ৰাসবাদীৰ সংগঠনৰ ঘাটিত এয়াৰষ্ট্ৰাইক কৰে ৷
ইৰানী বায়ু সেনাৰ বিমানে ধাৰাবাহিক বোমা বৰ্ষণ কৰাৰ ফলত পাক সমৰ্থিত জইছ-অল-অদলৰ দুটাকৈ শিবিৰ ধ্বংসৰ দাবী কৰে ইৰানৰ প্ৰতিৰক্ষা দপ্তৰে ৷
মনকৰিবলগীয়া যে,পাকিস্তানে নিৰন্তৰ সন্ত্ৰাসবাদীক আশ্ৰয় দি আহিছে আৰু পাকিস্তানৰ বিভিন্ন স্থানত সন্ত্ৰাসবাদীৰ প্ৰশিক্ষণ শিবিৰ চলি আছে। ভাৰতৰ পিছত, ইৰাণেও পাকিস্তানত উপস্থিত সন্ত্ৰাসবাদীৰ ওপৰত বিমান আক্ৰমণ চলাইছে। ইৰানে মঙলবাৰে পাকিস্তানৰ বেলুচিস্তানত চলি থকা সন্ত্ৰাসবাদী সংগঠন জইছ অল -অদলৰ গোপন আস্তানাত আক্ৰমণ কৰে।
চোৰাংচোৱা প্ৰতিবেদন অনুসৰি, তুৰবাট আৰু পঞ্চকুৰত অৱস্থিত সন্ত্ৰাসবাদী শিবিৰত এই আক্ৰমণ সংঘটিত হৈছিল। এই সন্ত্ৰাসবাদী শিবিৰসমূহ পাকিস্তানৰ সীমান্তৰ বেলুচিস্তানৰ পৰা ১২২ কিলোমিটাৰ দূৰত। ইৰানে মঙলবাৰে নিশা এই সন্ত্ৰাসবাদী শিবিৰসমূহত কেইবাটাও ৰকেট আক্ৰমণ চলাইছিল। ইৰাণৰ এই আক্ৰমণত ১০০ ৰো অধিক লোক নিহত হৈছে বুলি এক সূত্ৰত প্ৰকাশ ।
আনহাতে , সন্ত্ৰাসবাদী সংগঠন জইছ অল-অদলে এটা বিবৃতি জাৰি কৰি কয় যে ইৰাণে বেলুচিস্তানত তেওঁলোকৰ যুঁজাৰুসকলৰ আবাসগৃহ লক্ষ্য কৰি লৈছিল, যাৰ ফলত ইয়াৰ এজন যুঁজাৰুৰ দুটা কণমানি সন্তানৰ মৃত্যু হৈছিল আৰু তিনি গৰাকী কন্যা আহত হৈছিল। সন্ত্ৰাসবাদী সংগঠনটোৱে স্বীকাৰ কৰিছে যে বেলুচিস্তানত সন্ত্ৰাসবাদী আছে আৰু ইৰাণে তাত তেওঁলোকৰ সন্ত্ৰাসবাদীক লক্ষ্য কৰি লৈছে।
ইৰানৰ দ্বাৰা পাকভূমিত এয়াৰষ্ট্ৰাইক কৰাৰ পাছতে গৰজি উঠিছে ইছলামাবাদ ৷ পাক চৰকাৰে প্ৰত্যাক্ৰমণৰ ভাবুকি দিয়ে ইৰান চৰকাৰক ৷ জইছ অল-অদল উগ্ৰপন্থী গোটৰ সৈতে সম্পৰ্কিত দুটা লক্ষ্যক লক্ষ্য কৰি ইৰাণৰ দাবীৰ পৰিপ্ৰেক্ষিতত পাকিস্তানে বুধবাৰে চুবুৰীয়া দেশখনৰ দ্বাৰা “ইয়াৰ আকাশসীমা উলংঘন”ক তীব্ৰ গৰিহণা দিয়ে আৰু এনে পদক্ষেপৰ “গুৰুতৰ পৰিণাম” হ’ব বুলি সতৰ্ক কৰি দিয়ে।
পাকিস্তানে ইৰাণৰ আক্ৰমণক ইয়াৰ আকাশসীমাৰ উলংঘন বুলি অভিহিত কৰিছিল আৰু কৈছিল যে এইটো ইয়াৰ সাৰ্বভৌমত্বৰ ওপৰত আক্ৰমণ।কেৱল এয়াই নহয়, ইৰাণৰ ৰাষ্ট্ৰদূতক ফোন কৰি তীব্ৰ অসন্তুষ্টি প্ৰকাশ কৰে পাক বৈদেশিক মন্ত্ৰণালয়ে ৷
তাৎপৰ্যপূৰ্ণভাৱে, এই সন্ত্ৰাসবাদী সংগঠনটোৱে ইৰাণত নিৰন্তৰ সন্ত্ৰাসবাদী আক্ৰমণ চলাই আহিছে, যাৰ ফলত ইৰাণে যথেষ্ট লোকচানৰ সন্মুখীন হ’ব লগা হৈছে। চোৰাংচোৱা তথ্যৰ ভিত্তিত, ইৰাণে মঙলবাৰে নিশা পাকিস্তানত প্ৰৱেশ কৰি চাৰ্জিকেল ষ্ট্ৰাইক কৰে।
উল্লেখ্য যে, ইৰাণে অনাগত দিনতো এনে ধৰণৰ চাৰ্জিকেল ষ্ট্ৰাইক পুনৰ কৰাৰ আশংকা কৰা হৈছে । এই আক্ৰমণে এতিয়া পাকিস্তান আৰু ইৰাণৰ মাজৰ উত্তেজনা গভীৰ কৰিব পাৰে।
উল্লেখযোগ্য, ইৰানে সোমবাৰে নিশা উত্তৰ ইৰাক আৰু ছিৰিয়াৰ একাধিক অঞ্চলত ক্ষেপণাস্ত্ৰৰে আক্ৰমণ চলালে। ইৰানে৷ ইৰাকৰ অৰ্বিলত চোৰাংচোৱাৰ মুখ্য কাৰ্যালয়
আৰু ইৰান বিৰোধী সন্ত্রাসবাদী সংগঠনৰ একাধিক ঘাটিক লক্ষ্য হিচাপে লৈ বেলিষ্টিক ক্ষেপণাস্ত্ৰৰে আক্ৰমণ চলোৱা হৈছিল।
ইফালে, কুর্দিস্তান চৰকাৰৰ সুৰক্ষা পৰিষদে এক বিবৃতিত উল্লেখ কৰা অনুসৰি, ইৰানৰ আক্ৰমণত চাৰিজন নাগৰিকৰ মৃত্যুৰ লগতে আন ছজন লোক আহত হ’ল। ইৰানে নিক্ষেপ কৰা এটা ক্ষেপণাস্ত্র ইৰাকৰ মার্কিন বাণিজ্যিক দূতাবাসৰ ওচৰত পৰিছিল। ইৰানৰ ৰিভলিউচনেৰী গাৰ্ডছৰ তথ্য অনুসৰি, ছিৰিয়াতো ইছলামিক ষ্টেট (আইছিছ)ৰ কে’বাটাও ঘাটি যোৱা নিশা বেলিস্টিক ক্ষেপণাস্ত্ৰৰে আক্ৰমণ কৰি চূর্ণ-বিচূর্ণ কৰা হ’ল।
ইৰাণ চৰকাৰৰ অভিযোগ উল্লিখিত সন্ত্ৰাসবাদী সংগঠন কেইটাক দীৰ্ঘদিন ধৰি ৰক্ষণাবেক্ষণ দি আহিছে দেশ দুখনৰ চৰকাৰে ৷ ইফালে, আমেৰিকাই ইৰানৰ এই আক্ৰমণৰ বিৰোধিতা কৰিলে ৷