UCC Bill Will be Introduced in the Assam Assembly:
সকলো জল্পনা- কল্পনাৰ অন্ত পেলাই অসম বিধানসভাৰ চলিত বাজেট অধিৱেশনতে উদ্থাপন হ’ব বহুচৰ্চিত সম নাগৰিক সংহিতা(ইউচিচি)বিধেয়ক ৷ একেদৰে উদ্থাপন হ’ব বহু বিবাহ প্ৰতিৰোধী আইন ৷ ১০ ফেব্ৰুৱাৰীত কেবিনেটত ইউচিচি বিধেয়কক লৈ গ্ৰহণ কৰা হ’ব প্ৰস্তাৱ।
উল্লেখ্য যে,উত্তৰাখণ্ডৰ পিছত ইউচিচি বলৱৎ হোৱা দ্বিতীয়খন ৰাজ্য হিচাপে পৰিগণিত হ’ব অসম ৷ অসমত ইউচিচি আইন বলবৎ হোৱাৰ লগে লগে ধৰ্মৰ ভিত্তিত নাথাকিব কোনো আইন ৷ তাৰ পৰিৱৰ্তে সকলো নাগৰিকৰ বাবে থাকিব একেখন আইন ৷ একেদৰে ‘সম নাগৰিক সংহিতা’ বলবৎ হোৱাৰ পিছত নাথাকিব হিন্দু ল’ আৰু মুছলিম পাৰ্চনেল ল’ ব্যৱস্থা ৷
মনকৰিবলগীয়া যে,ৰাজ্যৰ মুখ্যমন্ত্ৰী ড:হিমন্ত বিশ্ব শৰ্মা ইউচিচি আইনৰ সপক্ষে অৱস্থান কৰি অসমত এই আইন বলবৎ কৰাৰ বাবে সক্ৰিয় ভূমিকা লৈছিল ৷