Ayush Minister Sarbananda Sonowal Unveils Initiatives to Boost Capacity at NEIAH in Shillong:
কেন্দ্ৰীয় বন্দৰ, জাহাজ পৰিবহণ আৰু জলপথ তথা আয়ুষ মন্ত্রী সর্বানন্দ সোণোরালে আজি শ্বিলঙৰ মাওডিয়াংডিয়াঙত থকা উত্তৰ-পূব আয়ুর্বেদ আৰু হোমিঅ’পেথি প্ৰতিষ্ঠানৰ ক্ষমতা তথা আন্তঃগাঁথনি বৃদ্ধিৰ বাবে একাধিক প্ৰকল্প মুকলি কৰে।
কেন্দ্ৰীয় আয়ুষ মন্ত্ৰীগৰাকীয়ে প্ৰশাসনিক ভৱন, ফাৰ্মাচী ভৱনৰ আধাৰশিলা স্থাপন কৰাৰ লগতে পৰিধি পথ আৰু সীমাৰ দেৱালৰ আধাৰশিলা স্থাপন কৰাৰ লগতে এটা অতিথিশালাৰো শুভ উদ্বোধন কৰে। অনুষ্ঠানত কেন্দ্ৰীয় আয়ুষ ৰাজ্যিক মন্ত্ৰী মহেন্দ্ৰভাই মুঞ্জপাৰাই অনুষ্ঠানত ভার্চুৱেলী অংশগ্রহণ কৰে।
অনুষ্ঠানত ভাষণ প্রদান কৰি কেন্দ্রীয় মন্ত্ৰী সর্বানন্দ সোণোৱালে কয়, “প্ৰধানমন্ত্ৰী নৰেন্দ্ৰ মোদীৰ মাৰ্গদর্শনমর্মে আমি সমগ্ৰ দেশৰ লগতে উত্তৰ-পূৰ্বাঞ্চলৰ আয়ুষ আন্তঃগাঁথনি টনকিয়াল কৰাত বিশেষ অগ্রাধিকাৰ দিছোঁ। উত্তৰ-পূব আয়ুর্বেদ আৰু হোমিঅ’পেথি প্ৰতিষ্ঠানৰ ক্ষমতা তথা আন্তঃগাঁথনি বৃদ্ধিয়ে বৈজ্ঞানিক প্রমাণ আধাৰিত পৰম্পৰাগত ঔষধ তথা চিকিৎসা প্ৰণালীৰ সম্প্ৰসাৰণৰ দিশটোক অধিক ত্বৰান্বিত কৰিব। প্রতিষ্ঠানখনে ইতিমধ্যে আয়ুর্বেদ আৰু হোমিঅ’পেথিৰ প্ৰায় এক হাজাৰ বিশেষজ্ঞক একেলগে প্রশিক্ষণ দিছে।
ইয়াৰ ফলত মেঘালয়ত স্বাস্থ্যসেরা প্রণালী যথেষ্ট শক্তিশালী হৈছে। দেশৰ গতিশীল প্ৰধানমন্ত্ৰী নৰেন্দ্ৰ মোদীৰ এখন সুস্থ-সবল ভাৰতৰ দৃষ্টিভংগী বাস্তৱায়িত কৰিবলৈ আমি নিৰৱচ্ছিন্নভাৱে বিভিন্ন কল্যাণকামী পদক্ষেপ তথা আঁচনি গ্রহণ কৰি আহিছো।”
সোণোৱালে লগতে কয়, “প্ৰধানমন্ত্ৰী নৰেন্দ্ৰ মোদীৰ নেতৃত্বাধীন আমাৰ চৰকাৰে আমাৰ জনজাতীয় আৰোগ্য পদ্ধতিসমূহৰ উত্তৰণ সাধনত অগ্রাধিকাৰ দিছে। আমাৰ চৰকাৰে উত্তৰ-পূব আয়ুর্বেদ আৰু হোমিঅ’পেথি প্ৰতিষ্ঠানৰ আন্তঃগাঁথনি অত্যাধুনিক ৰূপত গঢ়ি তুলিবলৈ প্রতিশ্রুতিবদ্ধ।
যোৱা এবছৰত মোদী চৰকাৰে ইয়াৰ ক্ষমতা তথা আন্তঃগাঁথনি বৃদ্ধিৰ বাবে ১৪৫ কোটি টকাৰ অধিক বিনিয়োগ কৰিছে। ইয়াৰ ক্ষমতা সম্প্ৰসাৰণৰ বাবে মুঠ প্ৰকল্প ব্যয় হৈছে ২১৭.০২ কোটি।”
কেন্দ্রীয় আয়ুষ মন্ত্রী সর্বানন্দ সোণোৱালে লগতে ঘোষণা কৰে যে পূব খাচী পাহাৰ জিলাৰ স্মিতত অ’পিডি সেৱা আৰম্ভ কৰা হ’ব, যিয়ে তাৰ ২০ খন গাঁৱত বাস কৰা লোকক সামৰি ল’ব। কেন্দ্রীয় মন্ত্ৰীগৰাকীয়ে লগতে জনায় যে প্ৰতিষ্ঠানখনে ইয়াৰ আয়ুর্বেদ চিকিৎসালয়ত স্বর্ণবিন্দু প্ৰশন সংস্কাৰ (শিশুৰ আয়ুর্বেদিক টিকাকৰণ মডুলেচন) আৰম্ভ কৰিছে।
উত্তৰ-পূব আয়ুর্বেদ আৰু হোমিঅ’পেথি প্রতিষ্ঠানে বিশেষকৈ পঞ্চকৰ্মা, ক্ষৰাসূত্ৰ, উত্তৰবস্তি আৰু যোগৰ দৰে পৰম্পৰাগত পদ্ধতিৰে ৰোগীসকলক সকাহ দিছে।