GMCH INCIDENT:
গুৱাহাটী চিকিৎসা মহাবিদ্যালয় হাস্পতালত চাঞ্চল্যকৰ ঘটনা ৷ এগৰাকী চিকিৎসকৰ বিৰুদ্ধে গৰ্ভৱতী মহিলাক প্ৰহাৰৰ অভিযোগ ৷ এই ঘটনা আজি পুৱাতে সংঘটিত হয় চিকিৎসালয় খনত ৷ প্ৰসূতি গৰাকীয়ে ইতিমধ্যে অধীক্ষক ডা:অভিজিৎ শৰ্মাক দিয়া অভিযোগ অনুসৰি বুধবাৰে জিএমচিএইছৰ প্ৰসূতি কক্ষত প্ৰসূতিজনিত কাৰণত ভৰ্তি হোৱা গৰ্ভৱতী মহিলা গৰাকীক আজি পুৱাভাগত ডা: অভিষেক মহাজনে শাৰিৰীক ভাৱে প্ৰহাৰ কৰে ।
আনহাতে গৰ্ভৱতী মহিলা গৰাকীয়ে দিয়া অভিযোগ অনুসৰি অধীক্ষক ডাঃ অভিজিৎ শৰ্মাই এক সংবাদমেলত উল্লেখ কৰে যে,ইতিমধ্যে প্ৰসূতি গৰাকীয়ে দিয়া অভিযোগ গুৰুত্ব সহকাৰে লৈ এক তদন্ত কমিটি গঠন কৰি দিয়া হয় ৷এই কমিটিৰ ২৪ ঘন্টাৰ ভিতৰত আজি সন্ধিয়াতে দাখিল কৰিব প্ৰতিবেদন ৷ যদি প্ৰতিবেদনত দোষী সাব্যস্ত হয় তেন্তে প্ৰসূতি বিভাগৰ স্নাতকোত্তৰ তৃতীয়বৰ্ষৰ অধ্যয়নৰত কনিষ্ঠ চিকিৎসক অভিষেক মহাজনক কৰা হ’ব এবছৰলৈ নিলম্বন ৷
শেহতীয়া খবৰ অনুসৰি তদন্ত কমিটিয়ে সন্ধিয়া দাখিল কৰা প্ৰতিবেদনত কনিষ্ঠ চিকিৎসক অভিষেক মহাজনক দোষী সাব্যস্ত কৰা হয় ৷ সেই অনুসৰি জিএমচিএইছ কৰ্তৃপক্ষই তৎকালীনভাৱে কাৰ্যকৰী হোৱাকৈ এবছৰলৈ বহিস্কাৰ কৰে ৷