Student dies in Landslide
দেওবাৰে নিশা অহা নেৰানেপেৰা বৰষুণৰ ফলত মহানগৰীৰ কটাহবাৰী নিজৰাপাৰাত সংঘটিত হয় ভয়ংকৰ ভূমিস্খলন।
পাহাৰৰ পৰা নামি অহা মাটিৰ ঢলে হেচা মাৰি ধৰে এটা বাসগৃহ ৷ সেই সময়ত শোৱাপাটীতে থকা এজন ছাত্ৰই কৰুণ মৃত্যুক সাবটি লয় ৷ মৃত ছাত্ৰ জন কটন কলেজিয়েটৰ ছাত্ৰ চাহিল হুছেইন।
মনকৰিবলগীয়া যে, বিগত সপ্তাহত গাৰ্ডৱাল ঘহি মৃত্যু হৈছিল এগৰাকী কণমানিৰ ৷
উল্লেখযোগ্য,মহানগৰীৰ পাহাৰ সমূহত ইটোৰ পাছত সিটোকৈ ভূমিস্খলনৰ ঘটনাই চিন্তাম্বিত কৰি তুলিছে প্ৰশাসনক ৷ ইতিমধ্যে ভূমিস্খলন প্ৰৱণ এলেকা হিচাপে চিহ্নত হোৱা অঞ্চলত সমূহত প্ৰশাসন লোক উপস্থিত হৈ আবাসী সকলক নিৰাপদস্থানলৈ যাবলৈ অনুৰোধ কৰিছে ৷