Chandrapur Journalists Sukumar Das Passes Away:
চন্দ্ৰপুৰ অঞ্চলৰ সাংবাদিক সুকুমাৰ দাসৰ দেহাৱসান । বিগত কিছুদিন ধৰি অসুস্থ হৈ আছিল এটা ব্যক্তিগত চেনেলৰ সাংবাদিক গৰাকী । নিজ বাসগৃহতে কিছু সময় পূৰ্বে মৃত্যু বৰণ কৰে সাংবাদিক গৰাকী ।
নিয়মীয়া বাৰ্তাৰ জৰিয়তে সাংবাদিক জীৱনত ভৰি দিয়া সাংবাদিক গৰাকী পিছত প্ৰাগ নিউজত যোগদান কৰে । ইয়াৰ পিছত এটা ব্যক্তিগত চেনেলৰ চন্দ্ৰপুৰৰ সংবাদদাতা হিচাপে যোগদান কৰে । বৰ্তমানো ব্যক্তিগত চেনেলটোতে কৰ্মৰত হৈ আছিল ।
সাংবাদিক সুকুমাৰ দাসৰ মৃত্যুৰ খবৰ বিয়পি পৰাৰ লগে লগে তেওঁৰ বাসগৃহত বহু লোকৰ সমাগম ঘটে । প্ৰাগজ্যোতিষপুৰ প্ৰেছ ক্লাৱৰ সদস্য আছিল প্ৰয়াত সাংবাদিক সুকুমাৰ দাস । তেওঁৰ মৃত্যুত প্ৰাগজ্যোতিষপুৰ প্ৰেছ ক্লাৱে গভীৰ শোক প্ৰকাশ কৰাৰ লগতে চন্দ্ৰপুৰ আঞ্চলিক ছাত্ৰ সন্থা তাঁতীমাৰা তিনিআলি ব্যৱসায়ী সন্থাই গভীৰ শোক প্ৰকাশ কৰে । মৃত্যুৰ সময়ত সাংবাদিক গৰাকীয়ে ইহ সংসাৰত পত্নী আৰু এগৰাকী ছোৱালীৰ লগতে বহু আত্মীয়ক এৰি থৈ যায় ।