Modi has the most followers in X, surpassing Biden and Neymar:
একেৰাহে তিনিবাৰকৈ ভাৰতৰ প্রধানমন্ত্রী নিযুক্ত হোৱা নৰেন্দ্ৰ মোদীৰ জনপ্রিয়তা পুনৰ সামাজিক মাধ্যমত অভিলেখ বৃদ্ধি পালে। দেওবাৰে ‘এক্স’ হেণ্ডেলৰ পৰিসংখ্যা অনুসৰি মোদীৰ অনুসৰণকাৰীৰ সংখ্যা ১০ কোটিৰ অধিক হ’ল। কেৱল ৰাষ্ট্ৰনেতা বা ৰাজনীতিককে নহয়, ‘এক্স’ত জনপ্ৰিয়তাৰ ক্ষেত্ৰত মোদীয়ে পৰাভূত কৰিলে নেইমাৰ আৰু লেডী গাগাৰ দৰে বিশ্বখ্যাত তাৰকাকো।
ভাৰতৰ প্ৰধানমন্ত্ৰীৰ ‘এক্স’ত ১০ কোটি ফল’ৱাৰ থকাৰ বিপৰীতে আমেৰিকাৰ ৰাষ্ট্ৰপতি জ’ বাইডেনৰ ফল’ৱাৰৰ সংখ্যা হৈছে তিনি কোটি ৮১ লাখ। ক্রিকেট তাৰকা বিৰাট কোহলিৰ অনুসৰণকাৰীৰ সংখ্যা ছয় কোটি ৪১ লাখ। একেদৰে নেইমাৰৰ ছয় কোটি ৩৬ লাখ আৰু লেডী গাগাৰ আঠ কোটি ৩১ লাখ অনুগামী ‘এক্স’ত আছে।