Student Murder In Darrang Maholiyapara:
দৰঙৰ মহোলীয়াপৰাৰ এখন শিক্ষানুষ্ঠানত ভয়ংকৰ ঘটনা ৷ দশম শ্ৰেণীৰ চাৰি ছাত্ৰৰ দলবদ্ধ আক্ৰমণত থিতাতে কৰুণ মৃত্যুক সাবটি লয় নৱম শ্ৰেণীৰ ছাত্ৰৰ ৷
ADVERTISEMENT
প্ৰাপ্ত খৱৰ অনুসৰি ,দৰঙৰ পদুমপুখুৰী হাইস্কুলত জোকোৱাক পাঁচ ছাত্ৰৰ মাজত হৈছিল সংঘাত ৷ ইয়াকে লৈ দেওবাৰে দশম শ্ৰেণীৰ চাৰি ছাত্ৰই নৱম শ্ৰেণীৰ ছাত্ৰ ভৱেশ ডেকাক আক্ৰমণ কৰিবলৈ ঘাপ পিটি আছিল বুলি অভিযোগ কৰে নিহত ছাত্ৰজনৰ দুৰ্ভগীয়া পিতৃ গৰাকীয়ে ৷ আজি এই সন্দৰ্ভত তেওঁ বিদ্যালয়লৈ অহাৰ কথা আছিল।
কিন্ত পুৱাতে পুত্ৰ ভৱেশ বিদ্যালয়লৈ অহাৰ পাছতে দশম শ্ৰেণীৰ চাৰি ছাত্ৰই পুত্ৰক শ্ৰেণীকোঠাতে মুখত ঘুচিয়াই-ঘুচিয়াই ধৰাসায়ী কৰে ৷ থিতাতে কৰুণ মৃত্যুক সাবটি লয় ভৱেশ ডেকা ৷ এই মৰ্মান্তিক ঘটনাৰ পাছতে তীব্ৰ প্ৰতিক্ৰিয়াৰ সৃষ্টি হয় সমগ্ৰ মহোলীয়াপৰাত ৷