BSF detained 9 Illegal bangladeshi:বি এছ এফৰ অভিযানত আটক ৯ বাংলাদেশী নাগৰিক
বি এছ এফ আৰু জি আৰ পিৰ যৌথ অভিযানত বৃহস্পতিবাৰে ত্ৰিপুৰাৰ ৰাজধানী আগৰতলাৰ ৰে’ল ষ্টেচনত আটক হয় নজন অবৈধ বাংলাদেশী নাগৰিক ৷ আটকাধীন বাংলাদেশী কেইজনৰ ভিতৰত এগৰাকী মহিলা আৰু দুগৰাকী তৃতীয় লিংগৰ লোক ৷
আনহাতে আন এক অভিযানত ২ জন নাবালককে ধৰি তিনিজন বাংলাদেশী নাগৰিকক কৈলাশাহাৰ জিলাৰ উনাকোটিৰ অন্তৰ্গত বি অ’ পি সমৰুপাৰাৰ ইণ্ডো-বাংলাদেশৰ সীমান্ত পাৰ হৈ ভাৰতত প্ৰৱেশৰ চেষ্টা কৰি থকা অৱস্থাত বি এছ এফে আটক কৰে। ধৃত বাংলাদেশীৰ তিনিওজন একেটা পৰিয়ালৰ। তেওঁৰলোকৰ আটাইৰে ঘৰ বাংলাদেশৰ মৌলৱী বজাৰত ৷
