Kidnapping incident in Paltanbazar:
অপৰাধীৰ কৰিডৰলৈ পৰ্যবেশিত হোৱা গুৱাহাটীত কোন সময়ত কি ঘটনা সংঘটিত হয় তাৰ নিশ্চয়তা নোহোৱা হৈছে। ইটোৰ পাছত সিটোকৈ সংঘটিত হৈছে অপৰাধমূলক কাৰ্য ৷ থানাৰ সমীপৰ পৰাই সংঘটিত হ’ল অপহৰণ কাণ্ড ৷ ঘটনাৰ স্থান পল্টন বজাৰ আৰক্ষী থানা ৷ দুপৰ নিশা এগৰাকী গৰ্ভৱতী মহিলাক বাইকত অহা দুই যুৱকে অপহৰণ কৰি নিয়াৰ অভিযোগ কৰিছে মহিলা গৰাকীৰ স্বামীয়ে ৷
প্ৰাপ্ত খবৰ অনুসৰি,আজি দুপৰ নিশা ডিমাপুৰৰ এহাল নগা সম্প্ৰদায়ৰ দম্পতী আলিপুৰ দুৱাৰৰ পৰা ডিমাপুৰৰ নিজ ঘৰলৈ বুলি আহি গুৱাহাটী পল্টন বজাৰৰ ষ্টেচনত ৰে’লৰ পৰা নামি পল্টন বজাৰ থানাৰ সমীপৰ অটো আস্থানত ৰৈ আছিল ৷ কিছু সময়ৰ বাবে পত্নীক সেই স্থানত ৰ’বলৈ কৈ অলপ আতঁৰলৈ গৈছিল স্বামীজন ৷ কিন্ত পুনৰ সেই স্থানত আহি দেখে যে তেওঁৰ পত্নী নাই । বহু বিচাৰ খোচাৰ কৰাৰ পিছতো শুংসূত্ৰ উলিয়াব নোৱাৰিলে পত্নীক ৷
আনহাতে স্বামীজনে অটো আস্থানত থকা অটো চালকৰ পৰা হে তেওঁ গম পাই যে বাইকত অহা দুই যুবকৰ স’তে উঠি যায় তেওঁৰ পত্নী ৷ ঘটনা সন্দৰ্ভত পল্টনবজাৰ থানাত গোচৰ ৰুজু কৰিছে ভুক্তভোগী স্বামীজনে ৷