Blast near PVR in Delhi’s Prashant Vihar:
ৰাজধানী দিল্লীৰ প্ৰশান্ত বিহাৰ অঞ্চলত বৃহস্পতিবাৰে পুৱাই সংঘটিত হয় এক ভয়ংকৰ বিস্ফোৰণ ৷ ভয় আৰু আতংকৰ সৃষ্টি হয় সমগ্ৰ অঞ্চলটোত ৷ উল্লেখ্য যে ,এমাহ পূৰ্বে একে ঠাইতে আন এক বিস্ফোৰণে কঁপাইছিল অঞ্চলটোত ৷
ADVERTISEMENT
প্ৰাপ্ত খবৰ অনুসৰি প্রশান্ত বিহাৰ অঞ্চলৰ পিভিআৰৰ বংশী মিঠাইৰ দোকানৰ সমীপত আজি পুৱা প্রায় ১১:৪৫ বজাত এই বিস্ফোৰণ সংঘটিত হয় ৷ ঘটনাৰ পিছতে ঘটনাস্থলীত ততাতৈয়াকৈ অগ্নিনিৰ্বাপক বাহিনীৰ গাড়ী উপস্থিত হয় ৷
আনহাতে দিল্লী আৰক্ষীৰ অপৰাধ শাখা, বিশেষ কোষ আৰু বোমা নিষ্কাশন দলৰ দলসমূহ ঘটনাস্থলীত উপস্থিত হোৱাৰ পূৰ্বেই সমগ্ৰ অঞ্চলটো ইতিমধ্যে নিৰাপত্তাৰক্ষীয়ে ঘেৰাও কৰি ৰাখিছে ৷ নিশ্চিত নোহোৱা খবৰ অনুসৰি এজন ব্যক্তি আহত হৈছে এই বিস্ফোৰণত।
