এক অভূতপূর্ব দুঃসাহসিকতাৰ প্ৰদৰ্শন কৰি সকলোকে চমকিত কৰিলে এজন যুৱকে ৷ যুৱকজনৰ নাম ৰঞ্জন সৰকাৰ ৷ তেজপুৰৰ পাঁচ মাইলৰ যুৱক জনে মঙলবাৰে নিজৰ মুৰৰ চুলিৰ সহায়ত একেটা সময়তে দুখন চাৰিচকীয়া বাহন ২৫০ মিটাৰ দূৰলৈ টানি দেখুৱালে দুঃসাহসিকতা।
যুৱক জনৰ দুঃসাহসিকতা প্রত্যক্ষদর্শী স্থানীয় ৰাইজৰ মাজত কৌতুহলৰ সৃষ্টি কৰে ৷ মিছামাৰী আৰক্ষী থানাৰ সন্মুখত গড়কাপ্তানি পথৰ ওপৰত ৰঞ্জন সৰকাৰে নিজৰ মুৰৰ চুলিত ৰছি বান্ধি একেসময়তে টানিলে দুখনকৈ চাৰিচকীয়া বাহন। তেওঁ এই দুঃসাহসিকতা কর্ম চাবলৈ ৰাইজৰ ভিৰ হয় মিছামাছৰী থানাৰ সন্মুখত।
ৰঞ্জন সৰকাৰৰ এই অনন্য কীর্তিক সকলোৱে উৎসাহিত কৰি প্ৰশংসা কৰে। তেজপুৰ পাচমাইলৰ এই জন যুৱকে নিয়মিতভাৱে শক্তি আৰু সহনশীলতাৰ অনুশীলনৰ ফলস্বৰূপে এই প্রদর্শন বাস্তৱায়িত হয় বুলি জানিব দিয়ে ।
স্থানীয় ৰাইজে আশা প্ৰকাশ কৰিছে যে ৰঞ্জন সৰকাৰে ভৱিষ্যতে আন্তঃৰাষ্ট্ৰীয় মঞ্চত অংশ লৈ অসমলৈ গৌৰৱ কঢ়িয়াই আনিব। উল্লেখ্য যে এই জন যুৱক এগৰাকী ভাৰ উত্তোলক খেলুৱৈ। ২০২৩ চনত ৰাষ্ট্ৰীয় পৰ্যায়ৰ ভাৰ উত্তোলন প্রতিযোগিতাত ব্ৰঞ্জৰ পদক লাভ কৰিবলৈ সক্ষম হৈছিল।
ইপিনে ৰাজ্যিক ভিত্তিত অনুষ্ঠিত ভাৰ উত্তোলন প্রতিযোগিতাত কেইবাটাও পদক লাভ কৰিবলৈ সক্ষম হৈছে । পৰৱৰ্তী সময়ত ৰঞ্জনে ট্রেভেলাৰ অথবা ট্রাক টানিব নিজৰ মুৰৰ চুলিৰে।