ড্ৰাগছৰ বিৰুদ্ধে আৰক্ষীয়ে ৰাজ্যব্যাপি অভিযান অব্যাহত থকাৰ মাজতে বৰপেটাৰ হাউলী আৰক্ষীৰ অৰ্তকিতে চলোৱা অভিযানত আটক হয় ড্ৰাগছ সহ সৰবৰাহকাৰী ৷
বৰপেটা জিলাৰ অন্তৰ্গত হাউলী বজাৰৰ মাজ মজিয়াত দুগৰাকী ড্ৰাগছ সৰবৰাহকাৰীক আটক কৰিবলৈ সক্ষম হয় হাউলী আৰক্ষী । জানিব পৰা মতে হাউলী আৰক্ষীয়ে বিশেষ সুত্ৰৰ পম খেদি ড্ৰাগছ সৰবৰাহকাৰী দুজনক আটক কৰিবলৈ সক্ষম হয়। ধৃত ড্ৰাগছ সৰবৰাহকাৰী দুজনৰ পৰা ২টা চাবোনৰ প্লাষ্টিক ভৰ্তি ড্ৰাগছৰ পেকেট দুটা উদ্ধাৰ কৰে।
ড্ৰাগছ সৰবৰাহকাৰী দুজন হাউলী নগৰঝাৰৰ খাইৰুল ইছলাম আৰু আন এজন কৈমাৰীৰ আজিজুৰ ৰহমান বুলি জানিব পৰা গৈছে। ড্ৰাগছ খিনি আজিজুৰ ৰহমান আৰু খাইৰুল ইছলামে খুচুৰাকৈ বিক্ৰী কৰাৰ উদ্দেশ্যে হাউলী স্থিত বিটিচি ৰোডৰ বম্বে বাৰৰ ওপৰত ৰৈ আছিল বুলি আৰক্ষী সুত্ৰত প্ৰকাশ।