বছৰৰ অন্তিম দিনটোত মাজুলীৰ আউনীআটী সত্ৰত উপস্থিত সাংসদ গৌৰৱ গগৈ

বছৰৰ অন্তিম দিনটোত মাজুলীৰ ঐতিহ্যমণ্ডিত আউনীআটী সত্ৰত উপস্হিত হয় যোৰহাটৰ সাংসদ গৌৰৱ গগৈ ৷ সত্ৰখনত উপস্থিত হৈ সাংসদগৰাকীয়ে সত্ৰাধিকাৰ ড: পীতাম্বৰ দেৱ গোস্বামীৰ আশীৰ্বাদ লোৱাৰ লগতে মতবিনিময় কৰে ৷

এই সন্দৰ্ভত সাংসদগৰাকীয়ে সংবাদ মাধ্যমৰ আগত উল্লেখ কৰে যে, আউনীআটী সত্ৰৰ সত্ৰাধিকাৰৰৰ কাষত উপস্থিত হৈ বিগত দিনবোৰত দি অহা দিহা-পৰামৰ্শ, সহায় আৰু মৰমৰ বাবে আন্তৰিক কৃতজ্ঞতা জ্ঞাপন কৰে আৰু অনাগত দিনবোৰতো ৰাইজৰ সেৱা কৰি যাবলৈ তেখেতৰ আশীৰ্বাদ আৰু গঠনমূলক দিহা-পৰামৰ্শ কামনা কৰে।

লগতে সাংসদ গৰাকীয়ে অসমৰ জনগণৰ প্ৰতি তেখেতৰ দায়বদ্ধতা আৰু পিতৃ-মাতৃৰ পৰা পোৱা মূল্যবোধ আৰু সততাৰে ৰাইজৰ সেৱা কৰাৰ ক্ষেত্ৰত তেখেতৰ দৃঢ় সংকল্পৰ কথা পুনৰ দোহাৰে।