গ্ৰাহকৰ বহু প্ৰতীক্ষাৰ অন্তত ভাৰতীয় বজাৰত মুকলি হ’ল OnePlus 13 আৰু OnePlus 13R। ২০২৫ৰ সাত জানুৱাৰীত কোম্পানীটোৱে ভাৰতকে ধৰি বিশ্বব্যাপী এই ফোন মুকলি কৰিছে । ৱানপ্লাছৰ এই নতুন ফ্লেগশ্বিপ ফোন ছিৰিজত ডিজাইনকে ধৰি বহুকেইটা ফীচাৰত পৰিৱৰ্তন আনিছে । এইবাৰ ব্যৱহাৰকাৰীয়ে এই দুয়োটা ফোনতে ফ্লেট চাইড আৰু ফ্লেট ডিছপ্লে লাভ কৰিব ।
OnePlus 13 শৃংখলাটোত কেইবাটাও ভেৰাইটিত দেখা পোৱা গৈছে । OnePlus 13 ত 12জিবি ৰেম + 256জিবি ষ্ট’ৰেজ ভেৰিয়েণ্টৰ বাবে মূল্য ₹69,999 ৰ পৰা আৰম্ভ হয়, প্ৰিমিয়াম 24 জিবি ৰেম + 1টিবি মডেলৰ মূল্য ₹84,999। এই ফোনটো Midnight Ocean, Black Eclipse, and Arctic Dawnৰ দৰে তিনিটা ৰঙত উপলব্ধ হৈছে। OnePlus 13R অধিক বাজেট-ফ্ৰেণ্ডলী বুলি জানিব পৰা গৈছে । ইয়াৰ 12জিবি ৰেম + 256জিবি ষ্ট’ৰেজ সংস্কৰণ ₹42,999 মূল্যৰ পৰা আৰম্ভ হয়, 16 জিবি ৰেম + 512জিবি ষ্ট’ৰেজ ফোনটোৰ মূল্য ₹49,999। OnePlus 13Rৰ বাবে ৰঙৰ বিকল্পবোৰৰ ভিতৰত আছে Nebula Noir আৰু Astral Trail.
10 জানুৱাৰীত এই ফোনকেইটাৰ প্ৰথম বিক্ৰী আৰম্ভ হ’ব । ইচ্ছুক গ্ৰাহকে ৱানপ্লাছৰ অনলাইন আৰু অফলাইন ষ্ট’ৰৰ লগতে আমাজনৰ পৰা এই ফোনটো ক্ৰয় কৰিব পাৰিব ।