Saudi Arabia accident : ভয়াবহ পথ দুর্ঘটনাত চৌদিত মৃত ন জন ভাৰতীয় শ্রমিক
শোকপ্রকাশ জয়শংকৰৰ
চৌদি আৰৱত ভয়াবহ পথ দুৰ্ঘটনাত নিহত হ’ল ন জন ভাৰতীয় | বুধবাৰে জেদ্দাত থকা ভাৰতীয় কনছুলেটে এই খবৰ প্ৰকাশ কৰে । তেওঁলোকৰ ফালৰ পৰা মৃতকৰ পৰিয়ালৰ কাষত থকাৰ বাৰ্তাও দিছে। এনে এক মৰ্মান্তিক ঘটনাৰ খবৰ পাই শোক প্ৰকাশ কৰিছে বৈদেশিক মন্ত্ৰী এছ জয়শংকৰে।
তথ্য অনুসৰি দুৰ্ঘটনাটো দেওবাৰে সংঘটিত হয়। চৌদি বন্দৰ চহৰ জিজানত ২৬ জন শ্ৰমিকক কঢ়িয়াই নিয়া এখন বাছ এখন ট্ৰেইলাৰৰ স’তে সংঘৰ্ষ হয়। বাছখনৰ বেছিভাগ শ্ৰমিক ভাৰতীয়।
দুৰ্ঘটনাটোত বাছখনত থকা ১৫ জন লোক নিহত হৈছে । তেওঁলোকৰ নজন ভাৰতীয়। তেওঁলোকৰ তিনিজন নেপালৰ আৰু তিনিজন ঘানাৰ। তথ্য অনুসৰি এই দুৰ্ঘটনাত আহতসকলৰ ভিতৰত একাংশ ভাৰতীয়ও আছে। সম্প্ৰতি চিকিৎসালয়ত চিকিৎসাধীন হৈ আছে।
জেদ্দাৰ ভাৰতীয় কনচুলেটেও ঘটনাটোৰ ওপৰত এটা পৃথক বিবৃতি জাৰি কৰে। তেওঁলোকৰ এক্স হেণ্ডেলত লিখা হয়, “মৃতকৰ পৰিয়ালৰ স’তে আমি আছোঁ । জেদ্দাৰ ভাৰতীয় কনচুলেট তেওঁলোকৰ স’তে নিয়মীয়া যোগাযোগ ৰাখিছে। বিষয়াসকলৰ দ্বাৰা সকলো ধৰণৰ সহায় আগবঢ়োৱা হৈছে। আহতসকলৰ দ্ৰুত আৰোগ্যৰ বাবে প্ৰাৰ্থনা জনাইছো। ”
দুৰ্ঘটনাটোৰ পাছত জেদ্দাৰ ভাৰতীয় কনচুলেটে ভাৰতীয়সকলৰ বাবে এটা বিশেষ হেল্পলাইনও স্থাপন কৰিছে।
বৈদেশিক পৰিক্ৰমা মন্ত্ৰী এছ জয়শংকৰে ঘটনাটোত ক্ষোভ প্ৰকাশ কৰি তেওঁ লিখিছে , “দুৰ্ঘটনাটোত ভাৰতীয়সকলক হেৰুওৱাৰ বাবে দুখিত। আমি জেদ্দাত আমাৰ কনচুল জেনেৰেলৰ স’তেও এই বিষয়ে আলোচনা কৰিছো। তেওঁ ভুক্তভোগী সকলৰ পৰিয়ালৰ স’তে যোগাযোগ কৰি আছে। মৃতসকলৰ এজন তেলেংগানাৰ আছিল। আহতসকলৰ ভিতৰত তেলেংগানাৰ দুজন লোকো আছে।