Doboka Incident:
ডবকা বনাঞ্চলিক বিষয়া কাৰ্যালয়ৰ অন্তগত দেৱস্থানত বনকর্মীক আক্ৰমণ কৰি বালি মাফিয়াই ৰাইজৰ সন্মুখৰ পৰাই অবৈধ বালি ভর্তি টেক্টৰ লৈ উধাও হোৱা ঘটনাই প্ৰতিক্ৰিয়াৰ সৃষ্টি কৰিছে। এই ঘটনা সংঘটিত হৈছে ৰবিবাৰে বিয়লিৰ ভাগত। AS02DC 1585 নম্বৰৰ টেক্টৰেৰে দিলোৱাৰ হুছেইন নামৰ যুৱকনে যমুনা নৈৰ পৰা বালি বোজাই কৰি অবৈধভাৱে বালি লৈ যোৱাৰ সময়তে ৰাইজে বাহন খন জব্দ কৰি বন বিভাগক চমজাই দিয়ে।
অৱশ্যে বন বিভাগৰ লোকে টেক্টৰ খন কাৰ্যালয়লৈ নিয়াৰ সময়তে দিলোৱাৰে দুজন বনকৰ্মীক আক্ৰমণ কৰি জব্দ কৰা বালিসমূহ পথাৰত পেলাই বাহনখন লৈ পলায়ন কৰে। ইয়াৰ পিচতেই বন বিভাগৰ মাজত লাগে হাহাকাৰ। বালি মাফিয়াৰ আক্ৰমণত আহত হোৱা বিট অফিচাৰ মাধৱ চন্দ্ৰ দাস আৰু বনকর্মী জামান আহমেদে দাৰস্থ হয় আৰক্ষীৰ।
বন বিভাগে মোৰাঝাৰ থানাত এজাহাৰ দাখিল কৰাত আৰক্ষীয়ে আৰম্ভ কৰিছে তদন্ত। নিশাৰ ভাগতেই বন বিভাগ আৰু আৰক্ষীয়ে বালি মাফিয়া দিলোৱাৰৰ ঘৰত অভিযান চলাই টেক্টৰখন জব্দ কৰে যদিও দিলোৱাৰ পলায়ন কৰো দেৱস্থানত পূর্বেও বন মাফিয়াই বন কর্মীক আক্ৰমণ কৰি বাহন কাঢ়ি লৈ যোৱাৰ অলেখ উদাহৰণ আছে।যমুনা নৈত গঢ় লৈ উঠা অবৈধ বালি মহল শীঘ্নে বন্ধ কৰিবলৈ বন বিভাগক ৰাইজে দাবী জনাইছে।
