Groom Dances To ‘Choli Ke Peeche Kya Hai’,Bride’s Father Cancels Wedding In Delhi:
দিল্লীৰ এজন মানুহে ছোৱালীৰ বিয়া বাতিল কৰিলে, বিবাহ বাতিল হোৱাৰ আঁৰৰ কাৰণটো এনেকুৱা যিয়ে সকলোকে স্তম্ভিত কৰি তুলিলে। বিয়াৰ স্থানত কেৱল দৰাজনে বলিউডৰ গান এটাত নাচিলে।
কইনাৰ দেউতাকে এই গান আৰু দৰাৰ নৃত্য একেবাৰে ভাল নাপালে, লগে লগে বিয়া বাতিল কৰি দিলে। আচলতে দৰাজনে বিয়াৰ শোভাযাত্রা লৈ বিয়াৰ স্থানত উপস্থিত হৈছিল। গীতৰ সময়ত দৰাৰ বন্ধু-বান্ধবীয়ে তেওঁক নাচিবলৈ উচটনি দি থাকিল। বলিউডৰ বিখ্যাত গীত ‘চোলি কে পিছে ক্যা হায়’ বাজিবলৈ ধৰিলে, দৰাজনে নিজকে ৰখাব নোৱাৰি নাচিবলৈ ধৰিলে। অতিথিসকলেও উত্তেজিত হৈ উল্লাস কৰিবলৈ ধৰিলে, কিন্তু ছোৱালীজনীৰ দেউতাকে একেবাৰে ভাল নাপালে। কইনাৰ পিতৃয়ে দৰাৰ নৃত্যক লৈ অসন্তুষ্টি প্রকাশ কৰি লগে লগে বিয়াৰ অনুষ্ঠান বন্ধ কৰি দিলে। খঙেৰে চিঞৰি ক’লে যে দৰাৰ এই আচৰণ তেওঁৰ পৰিয়ালৰ পৰম্পৰা আৰু মূল্যবোধৰ বিৰুদ্ধে।
কইনাজনীয়ে কান্দিবলৈ ধৰিলে আৰু দৰাজনে তাইক সান্ত্বনা দিবলৈ চেষ্টা কৰিলে, কিন্তু কইনাৰ দেউতাকে কাৰো কথা নুশুনিলে। এই ঘটনাৰ পাছতে ভাঙি যায় বিয়াখন ।