US Visa Delay
আমেৰিকাই কঠোৰ কৰিলে নিয়ম! এতিয়াৰে পৰা বি১, বি২ ভিছা নবীকৰণৰ বাবে কৰিব লাগিব অধিক অপেক্ষা
ভাৰতীয়সকলে এতিয়া অধিক সময় অপেক্ষা কৰিব লাগিব আমেৰিকাৰ ভিছা নবীকৰণৰ বাবে। কাৰণ ৰাষ্ট্ৰপতি ড’নাল্ড ট্ৰাম্পৰ প্ৰশাসনে ভিছা নবীকৰণৰ বাবে আমেৰিকাৰ দূতাবাস আৰু কনছুলেটলৈ গৈ সাক্ষাৎকাৰ প্ৰক্ৰিয়াটো অধিক জটিল কৰি তুলিছে।
ঠিক মহামাৰীৰ আগৰ দৰেই। অৰ্থাৎ ভিছাৰ ম্যাদ উকলি যোৱাৰ ১২ মাহৰ ভিতৰত পুনৰ নবীকৰণৰ বাবে আবেদন কৰিব লাগিব। মহামাৰীৰ সময়ত আমেৰিকাৰ দূতাবাস আৰু কনছুলেটত অতিমাত্ৰা ভিৰ নহ’বৰ বাবে এই সময়সীমা বৃদ্ধি কৰা হৈছিল।
এইবাৰ নবীকৰণৰ বাবে আবেদন কৰাৰ সময়সীমা সলনি হোৱাৰ বাবেই ভাৰতীয়সকল সমস্যাৰ সন্মুখীন হ’বলগীয়া হৈছে।
ব্যৱসায়িক উদ্দেশ্যৰ বাবে আমেৰিকা লৈ যাবলৈ বি১ ভিছাৰ প্ৰয়োজন। ভ্ৰমণ কৰিবলৈ বি২ ভিছাৰ প্ৰয়োজন । পৰিয়ালৰ সদস্য, বন্ধুক সাক্ষাৎ কৰিবলৈ বা চিকিৎসাৰ বাবে আমেৰিকা লৈ যাবলৈ বি২ ভিছাৰ প্ৰয়োজন।
বি১ আৰু বি২ ভিছা সাধাৰণতে একে সময়তে জাৰী কৰা হয়। ২০২২ চনৰ নৱেম্বৰত, ভাৰতত বি১, বি২ ভিছাৰ বাবে আবেদন কৰি ৯৯৯ দিন অপেক্ষা কৰিব লগা হৈছিল।
এই ভিছা নবীকৰণৰ সময়সীমা ১২ মাহৰ পৰা ৪৮ মাহলৈ বৃদ্ধি কৰা হৈছে। তেতিয়াৰ পৰাই বি ১, বি ২ ভিছাৰ সাক্ষাৎকাৰৰ বাবে অপেক্ষাৰ সময় প্ৰায় আধালৈ হ্ৰাস পাইছে।
দিল্লী আৰু মুম্বাইয়ে এতিয়া এই ভিছা সাক্ষাৎকাৰৰ বাবে ৪৪০ দিন অপেক্ষা কৰিব লাগিব। চেন্নাইত ৪৩৬ দিন, হায়দৰাবাদত ৪২৯ দিন, কলকাতাত ৪১৫ দিন।
এইবাৰ নৱীকৰণৰ সময়সীমা হ্ৰাস কৰিলে আমেৰিকা যুক্তৰাষ্ট্ৰৰ দূতাবাসত আবেদনকাৰীৰ ভিৰ বৃদ্ধি হ’ব। যিসকলে আগতে তেওঁলোকৰ ভিছাৰ ম্যাদ উকলি যোৱাৰ চাৰি বছৰৰ ভিতৰত নৱীকৰণৰ বাবে আবেদন কৰিছিল তেওঁলোকে এতিয়া এবছৰৰ ভিতৰত তেওঁলোকক নৱীকৰণ কৰিবলৈ বাধ্য হ’ব।
ফলস্বৰূপে, সাক্ষাৎকাৰৰ তাৰিখ প্ৰাপ্ত কৰা অধিক কঠিন হ’ব।যিসকলে আমেৰিকা যুক্তৰাষ্ট্ৰৰ বি১ আৰু বি২ ভিছা নৱীকৰণ কৰিব বিচাৰে, যিসকলৰ বয়স ১৪ বছৰৰ তলৰ বা ৮০ বছৰতকৈ অধিক, তেওঁলোকক আমেৰিকা যুক্তৰাষ্ট্ৰৰ দূতাবাস বা উপ দূতাবাসত সাক্ষাৎকাৰ ল’ব নালাগে। অৱশ্যে, তেওঁলোক ভাৰত বা ভূটানৰ নাগৰিক হ’ব লাগিব।
