Governor Visits Bhimashankar Temple:
মহা শিৱৰাত্ৰিৰ উপলক্ষে অসমৰ ৰাজ্যপাল লক্ষ্মণ প্ৰসাদ আচাৰ্যই ৰাজ্যৰ প্ৰথম মহিলা কুমুদ দেৱীৰ সৈতে আজি মহানগৰীৰ পাশ্বৱৰ্তী পামোহীস্থিত ভীমশংকৰ মন্দিৰ পৰিদৰ্শন কৰে।
এই ভ্ৰমণৰ সময়ত আচাৰ্যই পূজা- অৰ্চনা কৰি সমাজৰ সকলো শ্ৰেণীৰ মংগল আৰু সমৃদ্ধিৰ বাবে প্ৰাৰ্থনা জনায়। শিৱৰাত্ৰিৰ তাৎপৰ্যৰ ওপৰত গুৰুত্ব আৰোপ কৰি তেওঁ শিৱৰ পূজা কৰাটো ধ্যান, প্ৰাৰ্থনা, উপবাসৰ প্ৰতীক বুলি উল্লেখ কৰে। এই পবিত্ৰ অনুষ্ঠানটোৱে ভগৱান শিৱৰ লগত জড়িত নৈতিকতা আৰু গুণৰ ওপৰত চিন্তা-চৰ্চা কৰাৰ গুৰুত্বৰ ওপৰতো আলোকপাত কৰে।
ৰাজ্যপাল আচাৰ্যই আৰু আশা প্ৰকাশ কৰে যে উৎসৱৰ লগত জড়িত ভক্তিময় অনুভূতিয়ে ব্যক্তিসকলক সততা, দান, ক্ষমা আদি মূল্যবোধক মূৰ্ত কৰি তুলিবলৈ অনুপ্ৰাণিত কৰিব। তেওঁৰ বিশ্বাস আছিল যে এই উদযাপনৰ দ্বাৰা মানুহে শিৱৰ সত্তা আৰু মহত্ত্ব বুজিবলৈ সহায় কৰিব।
