অসমৰ বিদ্ৰোহী সমস্যা, ইয়াৰ ইতিবৃত্তক সামৰি ২০২০ চনত প্ৰকাশ পোৱা জ্যেষ্ঠ সাংবাদিক বিজু কুমাৰ ডেকাৰ গৱেষণা তথা সাক্ষাৎকাৰ মূলক গ্ৰন্থ ‘গেৰিলা’ এইবাৰ প্ৰকাশ পালে চুবুৰীয়া ৰাষ্ট্ৰ বাংলাদেশত ৷ বাংলাদেশৰ ৰাজধানী ঢাকাত আয়োজিত দেশখনৰ সৰ্ববৃহৎ গ্ৰন্থমেলাত প্ৰকাশ পালে ‘গেৰিলা’ৰ বাংলা সংস্কৰণ ৷
বাংলাদেশৰ ৰাজধানী ঢাকাত চলি থকা দেশখনৰ সৰ্ববৃহৎ গ্ৰন্থমেলা ৷ এক ফেব্ৰুৱাৰীৰ পৰা চলি থকা এই গ্ৰন্থমেলাতেই প্ৰকাশ পালে NEWS18ৰ জ্যেষ্ঠ সাংবাদিক বিজু কুমাৰ ডেকাৰ ‘গেৰিলা‘ শীৰ্ষক গ্ৰন্থখনৰ বাংলা সংস্কৰণ ৷ এয়া দেশখনৰ আগশাৰীৰ প্ৰকাশন গোষ্ঠী ‘কেন্দ্ৰবিন্দু’ৰ বিপনী ৷ এই বিপনীতে এতিয়া বঙালী ভাষী পাঠকৰ বাবে উপলব্ধ হৈছে অসমীয়া গ্ৰন্থ ‘গেৰিলা’ৰ বাংলা সংস্কৰণ ৷ যুৱ উদ্যোগী তথা অনুবাদক ওৱাহিদ তুষাৰে কৰিছে জ্যেষ্ঠ সাংবাদিক বিজু কুমাৰ ডেকাৰ ‘গেৰিলা’ শীৰ্ষক গ্ৰন্থখনক বঙালী ভাষালৈ অনুবাদ ৷
উল্লেখযোগ্য যে উত্তৰ-পূব ভাৰতৰ বিদ্ৰোহী সমস্যা, জাতিগত উগ্ৰপন্থাৰ আৰম্ভণি আৰু ইয়াৰ বিস্তৃতিকে আদি কৰি পোনপটীয়া তথ্য এই গ্ৰন্থত লিপিবদ্ধ কৰিছে জ্যেষ্ঠ সাংবাদিক বিজু কুমাৰ ডেকাই ৷ এই গ্ৰন্থখনেই এতিয়া বাংলা সংস্কৰণত বাংলাদেশৰ ঢাকাৰ ৰাজধানী ঢাকাত উপলব্ধ কৰিছে দেশখনৰ অগ্ৰণী প্ৰকাশন গোষ্ঠী কেন্দ্ৰবিন্দুয়ে ৷ প্ৰকাশক আৰু অনুবাদকে আশা কৰিছে অসম আৰু উত্তৰ-পূব ভাৰতৰ উগ্ৰপন্থাৰ ওপৰত লিপিবদ্ধ ‘গেৰিলা’ৰ বাংলা সংস্কৰণক দেশখনৰ পাঠকে আকুৱালি ল’ব ৷