India Pakistan Trade Halt: ভাৰতৰ স’তে সকলো দ্বিপাক্ষিক বাণিজ্য বন্ধ কৰাৰ সিদ্ধান্ত লোৱাৰ পাছতে পাকিস্তানে বৃহৎ সমস্যাৰ সন্মুখীন হ’ব বুলি আশংকা কৰা হৈছে। ইতিমধ্যে বহু ক্ষেত্ৰত ভাৰতীয় সামগ্ৰীৰ ওপৰত নিৰ্ভৰশীল পাকিস্তান।
কিন্তু বাণিজ্য নিষেধাজ্ঞাৰ বাবে পাকিস্তানৰ বজাৰত আটাইতকৈ বেছি অভাৱ হ’ব পৰা বস্তুটো হ’ল ঔষধ। দৰাচলতে পাকিস্তান ঔষধ উৎপাদনৰ বাবে ভাৰতৰ ওপৰত সম্পূৰ্ণৰূপে নিৰ্ভৰশীল।
এই সংকটৰ প্ৰতি লক্ষ্য ৰাখিয়ে পাকিস্তানী চৰকাৰী বিষয়াসকলে দেশখনৰ ফাৰ্মাচিউটিকেল নিৰ্মাতা আৰু যোগানকৰ্তাসকলৰ স’তে এখন বৈঠক তৈয়াৰ কৰিছে।
দৰাচলতে পাকিস্তানৰ ঔষধৰ বজাৰখন সম্পূৰ্ণৰূপে ভাৰতৰ ওপৰত নিৰ্ভৰশীল। বিভিন্ন ঔষধ, ঔষধ প্ৰস্তুতৰ কেঁচামাল, বিভিন্ন সা-সৰঞ্জামৰ কমেও ৩০ৰ পৰা ৪০ শতাংশ ভাৰতৰ পৰা পাকিস্তানলৈ যায়।
পহলগাম আক্ৰমণৰ পাছত পাকিস্তান চৰকাৰে ভাৰতৰ স’তে সকলো দ্বিপাক্ষিক বাণিজ্য স্থগিত ৰখাৰ সিদ্ধান্ত ঘোষণা কৰে।ফলস্বৰূপে, ভাৰতৰ পৰা ঔষধ ৰপ্তানি কৰা হোৱা নাই।
যদিও ই এতিয়ালৈকে বজাৰত প্ৰত্যক্ষ প্ৰভাৱ পেলাব পৰা নাই, ই অদূৰ ভৱিষ্যতে এক সংকটৰ সৃষ্টি কৰিব পাৰে।
ইয়াৰ পূৰ্বে, ২০১৯ চনত পুলৱামা আক্ৰমণৰ পাছত, ভাৰত-পাক বাণিজ্য সাময়িকভাৱে স্থগিত ৰখা হৈছিল। ফলস্বৰূপে, পাকিস্তানৰ বজাৰত ঔষধৰ অভাৱ দেখিবলৈ পোৱা যায়। এইবাৰো, পৰিস্থিতি সেই দিশতে আগবাঢ়িছে।
অৱশ্যে, পাকিস্তান চৰকাৰে এইবাৰ তেনে পৰিস্থিতিৰ আশংকা কৰি সোনকালেই পদক্ষেপ ল’ব বিচাৰে। পাকিস্তানৰ ঔষধ নিয়ামক কৰ্তৃপক্ষই ইতিমধ্যে দেশৰ ফাৰ্মাচিউটিকেল কোম্পানীসমূহৰ বিষয়াসকলৰ স’তে আলোচনা আৰম্ভ কৰিছে।
দৰাচলতে ভাৰতৰ স’তে বাণিজ্য আৰম্ভ ন’হলে যাতে কোনো ধৰণে বজাৰত ঔষধৰ সংকট নহয় সেইটো নিশ্চিত কৰিব বিচাৰিছে পাকিস্তানৰ ঔষধ নিয়ন্ত্রক সংস্থাই।
তথ্য অনুসৰি,পাকিস্তানে চীন, ৰাছিয়া, ইউৰোপৰ কেবাখনো দেশৰ স’তে যোগাযোগ কৰিছে । সেই সকলো দেশৰ পৰা ঔষধ ক্ৰয় কৰাৰ কথা চিন্তা কৰিছে।
অৱশ্যে এতিয়ালৈকে এই বিষয়ে কাৰো স’তে কোনো দৃঢ় চুক্তি হোৱা নাই। ইয়াৰ মূল কাৰণ হ’ল সেই দেশসমূহৰ পৰা ঔষধ আমদানি কৰিলে অতিৰিক্ত খৰচ হ’ব।