Weather: এপ্ৰিলৰ শেষৰ ফালে তীব্ৰ গৰমৰ পৰা সকাহ। এইবাৰ বতৰ বিজ্ঞান কাৰ্যালয়ে ধাৰাবাহিকভাৱে ভয়াৱহ বতৰৰ আগজাননী দিছে। প্ৰচণ্ড বৰষুণ, ধুমুহা, বিজুলীৰ ফলত কেইবাখনো ৰাজ্য বিধ্বস্ত হ’ব। সতৰ্কবাণীও জাৰি কৰা হয়।।
বতৰ বিজ্ঞান বিভাগৰ মতে, একাধিক ঘূৰ্ণীবতাহৰ ফলত পূৱ ভাৰত, উত্তৰ-পূব ভাৰত আৰু দক্ষিণ ভাৰতত নিৰন্তৰ দুৰ্যোগ হোৱাৰ সম্ভাৱনা আছে। দুই মে’লৈকে মধ্য প্ৰদেশ, ছত্তীশগড়, ঝাৰখণ্ড আৰু উৰিষ্যাত বজ্ৰপাতৰ স’তে মধ্যমীয়া বৰষুণ হোৱাৰ সম্ভাৱনা আছে। ইয়াৰ উপৰিও কিছু ঠাইত শিলাবৃষ্টিৰ সম্ভাৱনাও আছে।
মঙলবাৰৰ পৰা বৃহস্পতিবাৰৰ ভিতৰত বিহাৰ আৰু উৰিষ্যাত ধাৰাসাৰ বৰষুণ হোৱাৰ সম্ভাৱনা আছে।
আগন্তুক কেইদিনমানৰ বাবে অৰুণাচল প্ৰদেশ, মণিপুৰ, মিজোৰাম, নাগালেণ্ড, ত্ৰিপুৰাত ধাৰাসাৰ বৰষুণৰ সতৰ্কবাণী। বতাহৰ গতি ঘণ্টাত ৫০ কিলোমিটাৰ পৰ্যন্ত হ’ব পাৰে।
ইয়াৰ উপৰিও কৰ্ণাটক, তেলেংগানা, তামিলনাডু, উপকূলীয় অন্ধ্ৰ প্ৰদেশ, কেৰালাত পাঁচ মে’লৈকে বজ্ৰপাতৰ লগতে মধ্যমীয়া বৰষুণৰ সম্ভাৱনা আছে।
সপ্তাহৰ শেষৰ ফালে কিছুমান ঠাইত প্ৰচণ্ড বৰষুণ আৰু কোনো ঠাইত শিলাবৃষ্টিৰ সম্ভাৱনা আছে।
পশ্চিম বংগতো মাজে মাজে বজ্ৰপাতৰ স’তে লঘুৰ পৰা মধ্যমীয়া বৰষুণৰ আগজাননী দিয়া হৈছে। দিল্লীৰ তাপমাত্ৰা সামান্য হ্ৰাস পাব। ধুমুহা বতাহ আহিব পাৰে। বৃহস্পতিবাৰ আৰু শুকুৰবাৰে দিল্লীত বজ্ৰপাতৰ সম্ভাৱনা আছে। হালধীয়া সতৰ্কবাণী জাৰি কৰা হৈছে।