Pahalgam Terror Attack :বিগত ২২ এপ্ৰিলত পহলগামত সংঘটিত হৈছিল সন্ত্ৰাসবাদীৰ আক্ৰমণ । ভাৰত চৰকাৰে বাৰে বাৰে পাকিস্তানক এই আক্ৰমণত প্ৰত্যক্ষভাৱে জড়িত বুলি অভিযোগ উত্থাপন কৰি আহিছে। সেই অভিযোগ এইবাৰ আৰু স্পষ্ট হৈ পৰিছে।
সূত্ৰ অনুসৰি পহলগাঁও সন্ত্ৰাসবাদী আক্ৰমণৰ লগত জড়িত উগ্ৰপন্থীয়ে পাকিস্তান বিশেষ সেৱা গোটৰ পৰা প্ৰশিক্ষণ লাভ কৰিছিল। তাতেই তেওঁলোকে পহলগাঁও আক্ৰমণৰ ব্লুপ্ৰিণ্ট তৈয়াৰ কৰিছিল।
তথ্য অনুসৰি ,কাৰাগাৰত থকা একাংশ উগ্ৰপন্থীক জেৰা কৰি চোৰাংচোৰাসকলে এই তথ্য লাভ কৰিছে ।
পহলগাম আক্ৰমণত জড়িত সন্ত্ৰাসবাদীসকলক ধৰিবলৈ সেনাই সমগ্ৰ কাশ্মীৰত তালাচী অভিযান আৰম্ভ কৰিছে।
আক্ৰমণত জড়িত উগ্ৰপন্থীসকলৰ আলোকচিত্ৰ আৰু স্কেচও মুকলি কৰা হৈছে। চোৰাংচোৱাসকলে এইটোও বিচাৰি পাইছে যে হাছিম মুছা ঘটনাটোৰ স’তে জড়িত সকলৰ মাজৰ এজন আছিল। মুছা পাকিস্তান বিশেষ সেৱা গোটৰ এজন পেৰা কমাণ্ডো আছিল। পাছত তেওঁ লস্কৰ-ই-তৈবাৰ সদস্য হয়। তেওঁ এই উগ্ৰপন্থী গোটটোৰ হৈ কেবাটাও সন্ত্ৰাসবাদী আক্ৰমণ চলাইছিল।
সূত্ৰ অনুসৰি, মুছাই ২০২৩ চনত ভাৰতত প্ৰৱেশ কৰে। তেতিয়াৰ পৰা, তেওঁ জম্মু আৰু কাশ্মীৰত কমেও ছয়টা সন্ত্ৰাসবাদী আক্ৰমণ চলাইছে। ২০২৪ চনৰ অক্টোবৰ মাহত গান্দেৰবাল জিলাত সংঘটিত এক উগ্ৰপন্থী আক্ৰমণত সাত জন লোক নিহত হয়, আনহাতে বাৰামুলা আক্ৰমণত চাৰিজন সৈনিক নিহত হয়। মুছা এই সকলো আক্ৰমণত জড়িত আছিল।
ইফালে, চোৰাংচোৱা সংস্থাই সন্দেহ কৰা অনুসৰি, এতিয়াও মুছা দক্ষিণ কাশ্মীৰৰ এখন অৰণ্যত লুকাই আছে। আৰু তেওঁক বিচাৰি এটা অনুসন্ধান আৰম্ভ কৰা হৈছে।
কাশ্মীৰ আৰক্ষীয়ে ইতিমধ্যে মুছাক গ্ৰেপ্তাৰ কৰা তথ্যৰ বাবে ২০ লাখ টকাৰ পুৰস্কাৰ ঘোষণা কৰিছে। তদুপৰি, অনুসন্ধান কৰিব লগা ব্যক্তিজনৰ পৰিচয় গোপন ৰখা হ’ব।
অনুসন্ধানকাৰী বিষয়াসকলে এইটোও জানিব পাৰিছে যে পহলগামত আক্ৰমণ সংঘটিত কৰা সন্ত্ৰাসবাদীসকল লস্কৰ-ই-তৈবা, জৈশ-ই-মহম্মদ আৰু হিজবুল মুজাহিদীনৰ সদস্য আছিল।
