Zubeen Garg :
মাজনিশা হঠাৎ অসুস্থ যুৱ প্ৰজন্মৰ হাৰ্টথ্ৰৱ জুবিন গাৰ্গ ৷ বুকুৰ বিষৰ বাবে পৰিয়ালৰ লোকে মাজনিশা মহানগৰীৰ নেমকেয়াৰ হাস্পতালত। বৰ্তমান চিকিৎসক ডাঃ হিতেশ বৰুৱা আৰু বিশেষজ্ঞ চিকিৎসক দলত তত্ত্বাৱধানত চলি আছে জনপ্ৰিয় কণ্ঠশিল্পী গৰাকীৰ চিকিৎসা ৷
ADVERTISEMENT
চিকিৎসালয় সূত্ৰে জানিব পৰা মতে , পূৰ্বতকৈ বৰ্তমান কিছু সুস্থ হৈ উঠেছে ৷ অৱশ্যে তেওঁ কিছুদিন জিৰণি ল’ব লাগিব ৷ উল্লেখ্য ইয়াৰ পূৰ্বেও কণ্ঠশিল্পী গৰাকী কে’বাবাৰো চিকিৎসাধীন হ’বলগীয়া হৈছিল ৷ সেই সময়ত চিকিৎসকৰ পৰামৰ্শ আছিল যে পৰাপক্ষত জুবিন গাৰ্গে অতিশয় ব্যস্ততাপূৰ্ণ কামৰ পৰা আঁতৰি থকা উচিত ৷
যুৱ প্ৰজন্মৰ হাৰ্টথ্ৰৱ জুবিন গাৰ্গৰ অসুস্থতাৰ খবৰ লাভ কৰাৰ পিচতে ৰাজ্যৰ চৌদিশে তেওঁৰ অনুৰাগী আৰু গুণমুগ্ধ সকল হৈ পৰিছে চিন্তিত ৷ নিশা আৰু আজি পুৱা তেওঁৰ অনুৰাগী উপস্থিত হৈ স্বাস্থ্যৰ বুজ লৈছে নেমকেয়াৰ হাস্পতালত ৷