Walking: সুস্বাস্থ্যৰ বাবে খোজ কঢ়াটোৱেই আটাইতকৈ সহজ আৰু ফলপ্রসূ ব্যায়াম। দিনটোৰ ভিতৰত আন কোনো শাৰীৰিক ব্যায়াম কৰিবলৈ সময় নাথাকিলেও অন্ততঃ খোজ কাঢ়িবলৈ চিকিৎসকে পৰামৰ্শ দিয়ে। নিয়মিত খোজ কঢ়াৰ অভ্যাসে ডায়েবেটিছ, ৰক্তচাপ, ক’লেষ্টেৰল আদি ৰোগবোৰক সহজেই নিয়ন্ত্ৰণত ৰাখিব পাৰে। বহুতে সুস্থ জীৱন যাপন কৰিবলৈ প্ৰতিদিনে পুৱা ফুৰিবলৈ যায়। কিন্তু প্রকৃত উপকাৰ পাবলৈ ৰাতি পুৱাৰ খোজৰ সময়ত কেইটামান নিয়ম মানি চলাটো গুৰুত্বপূৰ্ণ।
অলপ সময় খোজ কঢ়া: বহুতে ৰাতিপুৱা মাত্র ১০ৰ পৰা ১৫ মিনিট খোজ কাঢ়িব যায়। আৰু আশা কৰে যে শৰীৰৰ উপকাৰ হ’ব। কিন্তু বাস্তৱত ইমান কম সময় খোজ কাঢ়িলে কোনো লাভ নহয়। কমেও ৩০ মিনিট খোজ কাঢ়িব লাগিব। পাৰিলে তাতকৈ অলপ বেছি সময় খোজ কাঢ়িব পাৰি। কিন্তু ইয়াতকৈ কম সময়ত খোজ কাঢ়িলে শৰীৰৰ লাভ নহ’ব।
ৱাৰ্ম আপ: দ্রুত খোজ কঢ়া বা জোৰদাৰ খোজ কঢ়াৰ আগতে ৱাৰ্মআপ কৰাটো নিশ্চিত কৰক। ৰাতি জিৰণি লোৱাৰ পাছত পুৱা খোজ কঢ়াৰ আগতে চাৰি-পাঁচ মিনিটৰ লঘু ৱাৰ্মআপ কৰক যাতে আপোনাৰ পেশীবোৰ সঠিকভাবে গতিশীল হৈ থাকে। অন্যথা খোজ কঢ়াৰ সময়ত ভৰি আৰু পিঠিত ক্রেম্প হ’ব পাৰে।
হাইড্রটেড হৈ থাকক: খোজ কঢ়াৰ সময়ত পিয়াহ অনুভৱ কৰাটো অতি স্বাভাৱিক। ফুৰিবলৈ যোৱাৰ আগতে অলপ পানী খাব লাগে। খোজ কাঢ়ি থাকোতে পানীৰ বটল এটা লগত ৰাখক। পিয়াহ লাগিলে পানী পান কৰিবলৈ নাপাহৰিব। ইয়াৰ ফলত শৰীৰত পানীৰ অভাৱ নহ’ব।
সঠিক জোতা আৰু কাপোৰ পিন্ধক: অৱশ্যে খোজ কঢ়াৰ বাবে ভাল জোতা পিন্ধক। অন্যথা ভৰিৰ ওপৰত চাপ পৰিব। সঠিক জোতা নিপিন্ধাকৈ দ্রুতগতিত খোজ কঢ়াৰ ফলত ভৰিৰ সমস্যা হ’ব পাৰে। বৰ দামী জোতা পিন্ধি নাথাকিলেও অন্ততঃ কিবা এটা স্প’র্টছ জোতা পিন্ধিবলৈ চেষ্টা কৰক। খোজ কঢ়াৰ সময়ত কপাহী আৰু ঢিলা কাপোৰ পিন্ধিব লাগে। ঘাম ওলালে অস্বস্তি কমি যাব।
খালী পেটত খোজ কাঢ়িব নালাগে:ৰাতিপুৱা সাৰ পোৱাৰ ঠিক পাছতেই খোজ কাঢ়িলে বহু লোকৰ শক্তি কম হয়। লগতে, বেছি সময় খালী পেটত থাকিলেও গেছ আৰু হার্টবাৰ্ণৰ সমস্যা হ’ব পাৰে। তেনে ক্ষেত্ৰত শুকান ফল দুই-এটা খাই ফুৰিবলৈ যাব পাৰে। ক’লা কফি খালেও খোজ কাঢ়িবলৈ শক্তি পাব।
